- મીઠા વગર ભોજનનો સ્વાદ અધૂરો લાગે છે
- મીઠાનું વધુ સેવન કરવું તે જીવલેણ સાબિત થઈ શકે છે
- અને ગંભીર બીમારીઓ થવાનું જોખમ રહે છે
મીઠા વગર ભોજનનો સ્વાદ અધૂરો લાગે છે. મીઠાનું મર્યાદિત માત્રામાં સેવન કરવું જોઈએ. મીઠાનું વધુ પ્રમાણમાં સેવન કરવું તે જીવલેણ સાબિત થઈ શકે છે અને ગંભીર બીમારીઓ થવાનું જોખમ રહે છે. વર્લ્ડ હેલ્થ ઓર્ગેનાઈઝેશન (WHO)ના રિપોર્ટમાં અનેક ચોંકાવનારી બાબતો સામે આવી છે. ભોજનમાં વધુ પ્રમાણમાં મીઠું ના નાખવું જોઈએ, નહીંતર આરોગ્યને ગંભીર નુકસાન થઈ શકે છે.
WHO રિપોર્ટ અનુસાર, સમગ્ર વિશ્વમાં વયસ્ક વ્યક્તિઓ દરરોજ બે ચમચી (10.78 ગ્રામ) મીઠાનું સેવન કરે છે. બે ચમચી મીઠામાં 4310 મિલિગ્રામ સોડિયમ રહેલું હોય છે, જે દૈનિક જરૂરિયાત કરતાં બમણું હોવાનું માનવામાં આવે છે. જે આરોગ્ય માટે જોખમી સાબિત થઈ શકે છે. વધુ પ્રમાણમાં મીઠાનું સેવન કરવાથી અનેક જીવલેણ બિમારીનું થવાનું જોખમ રહે છે. WHO અનુસાર, તમામ પુખ્ત વયના લોકોએ દરરોજ 2000 મિલિગ્રામ સોડિયમનું સેવન કરવું જોઈએ. એટલે કે, દરેક વ્યક્તિએ દરરોજ 5 ગ્રામ કરતાં ઓછું મીઠું (લગભગ 1 ચમચી) ખાવું જોઈએ.
વધુ પ્રમાણમાં મીઠુ ખાવાથી મોત
દર વર્ષે લગભગ 18.9 લાખ લોકોનું મૃત્યુ વધુ પ્રમાણમાં મીઠાનું સેવન કરવાથી થાય છે. વધુ પડતા સોડિયમના કારણે કરોડો લોકો અનેક ગંભીર બિમારીઓનો શિકાર બને છે. સોડિયમની વધુ માત્રાને કારણે શરીરને નુકસાન થાય છે
આ રોગોનું જોખમ વધે છે
WHO અનુસાર, વધુ પ્રમાણમાં મીઠાનું સેવન કરવાથી ગંભીર બિમારીઓ થઈ શકે છે. વધુ પ્રમાણમાં મીઠાનું સેવન કરવાથી હાઈ બ્લડ પ્રેશર, કાર્ડિયોવેસ્ક્યુલર ડિસીઝ, ગેસ્ટ્રિક કેન્સર, મેદસ્વીતા, કિડની રોગ, ઓસ્ટીયોપોરોસીસ સહિત અનેક ગંભીર રોગોનું જોખમ વધે છે.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
