વ્રતનું મહત્વ / આજના દિવસે ફટાફટ શિવ-પાર્વતીને અર્પણ કરો આ ભોગ, મળશે અખંડ સૌભાગ્યના અપાર આશીર્વાદ

• હિંદુ ધર્મમાં હરિયાળી તીજનું વિશેષ મહત્ત્વ
• માતા પાર્વતી અને શિવજીની વિધિ અનુસાર પૂજા કરવામાં આવે
• સુહાગણ મહિલાઓ વિધિ વિધાન પૂર્વક પાર્વતી માતાની પૂજા કરે છે

હિંદુ ધર્મમાં હરિયાળી તીજનું વિશેષ મહત્ત્વ છે. આજે હરિયાળી ત્રીજ છે, આજે આ વ્રત કરવામાં આવશે. દર વર્ષે શ્રાવણ માસની શુક્લ પક્ષની તિથિના રોજ આ વ્રત કરવામાં આવે છે. આ દિવસે માતા પાર્વતી અને શિવજીની વિધિ અનુસાર પૂજા કરવામાં આવે છે. સુહાગણ મહિલાઓ આ દિવસે વિધિ વિધાન પૂર્વક પાર્વતી માતાની પૂજા કરે છે. 

હરિયાળી ત્રીજનું મહત્ત્વ
પૌરાણિક માન્યતા અનુસાર હરિયાળી ત્રીજના દિવસે ભગવાન શિવે પાર્વતી માતાનો સ્વીકાર કર્યો હતો. પાર્વતી માતાએ શિવજીને મેળવવા માટે કઠોર તપસ્યા કરી હતી. આ કારણોસર ભગવાન શિવ અને પાર્વતી માતાના મિલન પર્વ તરીકે આ દિવસ ઊજવવામાં આવે છે, ઉપરાંત વિધિ વિધાન પૂર્વક પાર્વતી માતાની પૂજા કરવામાં આવે છે. 

સુહાગણ મહિલાઓ આ વ્રત કરે તો તેમનું વૈવાહિક જીવન સુખમયી રહે છે અને કુંવારી કન્યાઓ સારા વ્રતની પ્રાપ્તિ માટે આ વ્રત કરે છે. પ્રાચીન કાળથી હરિયાળી ત્રીજના દિવસે સોળ શ્રૃંગાર અને લીલા રંગના કપડા ધારણ કરવાનું વિશેષ મહત્ત્વ છે. આ દિવસે મહિલાઓ હિંચકા ખાય છે. 

ખીરનો ભોગ
હરિયાળી ત્રીજના પાવન અવસરે પાર્વતી માતા અને ભગવાન શિવને ચોખા અને દૂધથી બનેલ ખીરનો ભોગ લગાવો. ત્યાર પછી તે પ્રસાદ તરીકે તે ખીર ગ્રહણ કરો અને પતિને પણ આ ખીર આપો. આ પ્રકારે કરવાથી દાંપત્ય જીવનમાં મિઠાશ આવે છે અને પતિ-પત્નીના સંબંધો વધુ મજબૂત બને છે. 

ઘેવર
હરિયાળી ત્રીજ પર ઘેવરનું વિશેષ મહત્ત્વ છે. ઘેવરનો ભોગ શુભ ફળદાયી માનવામાં આવે છે. આ કારણોસર ભગવાન શિવ અને પાર્વતી માતાને ઘેવરનો ભોગ જરૂરથી લગાવવો. આ પ્રકારે કરવાથી વૈવાહિક જીવનમાં ખુશીઓ આવે છે અને વંશ વૃદ્ધિના આશીર્વાદ પ્રાપ્ત થાય છે. 

સોજીનો હલવો
ભગવાન શિવ અને પાર્વતી માતાને સોજીનો હલવો અર્પણ કરી શકાય છે. જેથી ભગવાન શિવ અને શક્તિના આશીર્વાદ પ્રાપ્ત થાય છે.