સચેત / ગુજરાતીઓ સાવધાન! કેસ ઘટ્યા છે, કોરોના ગયો નથી, જાણો બેસતા વર્ષે કેટલા નોંધાયા કેસ

Mehul

Last Updated: 10:39 PM, 5 November 2021

FOLLOW ON

શેર કરો

બેસતા વર્ષે રાજ્યમાં કોરોના સંક્રમણનાં 20 કેસ નવા આવ્યા છે. દિવાળી અને નૂતન વર્ષના આંકડાઓમાં કોઈ ખાસ તફાવત નથી છતાં સાવચેતી એ જ સલામતી પણ છે.

ગુજરાતમાં કોરોના સંક્રમણના 20 નવા કેસ
પ્રવાસન સ્થળો પર સહેલાણીઓની ભીડ
અત્યારથી જ સાવચેતી એ સલામતી છે

ગુજરાત સહીત દેશભરમાં દીપોત્સવી પર્વની ધૂમ છે ત્યારે, ગત વર્ષની સરખામણીએ રાજ્યમાં તહેવારોનો ઉત્સાહ બમણો થયો છે.દિવાળીની રાત્રે અમદાવાદમાં થયેલી આતિશબાજી એ વાતની ગવાહી આપી કે,મોંધવારી છતાં તહેવાર સામે આ એક વહેવાર જ છે ઉજવણીનો.

આ વચ્ચે,કોરોના સંક્રમણને પણ કેમ ભૂલાય ? બેસતા વર્ષે રાજ્યમાં કોરોના સંક્રમણનાં 20 કેસ નવા આવ્યા છે. દિવાળી અને નૂતન વર્ષના આંકડાઓમાં કોઈ ખાસ તફાવત નથી છતાં સાવચેતી એ જ સલામતી પણ છે.

રાજ્યમાં કોરોનાના નવા 20 કેસ સાથે કુલ એક્ટિવ કેસની સંખ્યા 223 પર પહોચી છે. જ્યારે કોરોના સંક્રમણથી અસરગ્રસ્ત 4 દર્દીઓ વેન્ટિલેટર પર સારવાર હેઠળ છે.આજે કોરોનાને કારણે એકપણ દર્દીનું મૃત્યુ નથી નોંધાયું. રાજ્યભરમાં અત્યાર સુધી 10090 નાગરિકોના મૃત્યુ થયા છે.

કોરોના સંક્રમણને મહાત આપી 17 દર્દીઓ પરત ઘરે ફર્યા છે.અત્યાર સુધી રાજ્યમાં 816387 દર્દીઓ ડિસ્ચાર્જ થયા છે.ગુજરાતમાં કોરોનાથી સાજા થવાનો દર 98.75 ટકા પર પહોચ્યો છે. બેસતા વર્ષે વડોદરામાં 7 કેસ, જુનાગઢમાં 4, વલસાડમાં 4 ,અમદાવાદમાં 2, સુરતમાં 2, રાજકોટમાં એક કેસ નોંધાયા છે. રાજ્યભરમાં આજે 4 હજાર 365 નાગરિકોનું રસીકરણ થયું તો અત્યાર સુધી રાજ્યમાં રસીના 7.15 કરોડથી વધુ ડોઝ આપવામાં આવ્યા છે.

સંકળાયેલા મુદ્દાઓ

corona vaccine gujarat કોરોના સંક્રમણ ગુજરાત રસીકરણ ahmedabad