નિર્દેશ / ત્રીજી લહેર મુદ્દે ગુજરાત હાઈકોર્ટ પણ ટેન્શનમાં ! તંત્રને આપ્યા મોટા નિર્દેશ, AMCને વખાણી

• ગુજરાત હાઈકોર્ટે સિવિલ હોસ્પિટલ તંત્રને સાબદું કર્યું 
• ત્રીજી લહેરની સંભાવના વચ્ચે શરુ કરી દો તૈયારીઓ 
• રસીકરણ માટે મહાપાલિકાના પ્રયાસોની કરી પ્રસંશા 

ગુજરાતમાં વધતા કોરોના અને ઓમિક્રોનનાં કેસથી ગુજરાત હાઈકોર્ટે ચિંતાનો સૂર વ્યક્ત કર્યો છે. દિવસભરમાં ડબલથી વધુ કેસ સંક્રમણનાં સામે આવતા ગુજરાત હાઈકોર્ટે ચિંતા વ્યક્ત કરતા હોસ્પિટલનાં વહીવટીય વિભાગને સુ-સજ્જ રહેવા નિર્દેશ કર્યો છે.ગુજરાત હાઈકોર્ટે નિર્દેશ કરતા જણાવ્યું છે કે,પહેલા જેવી સ્થિતિ ન થાય તેનુ ધ્યાન રાખવુ. સાથોસાથ અમદાવાદ મહાનગર પાલિકાના રસીકરણ અભિયાનને વખાણતા AMCની કામગીરીની પણ નોંધ લીધી. કોરોના વિરોધી રસીકરણ  માટે જનતાને પ્રોત્સાહિત કરતા AMCની કામગીરીના કોર્ટે વખાણ કર્યા હતા.અને સાવચેતીના ભાગરૂપે તંત્રની તૈયારીઓ યોગ્ય ગણાવી હતી. યાદ રહે કે, બીજી લહેર વેળા કોરોનાની સ્થિતિ મૂદ્દે ગુજરાત હાઈકોર્ટે  સુઓમોટો અરજી દાખલ કરી હતી

હાઈકોર્ટનો નિર્દેશ સાથે જ સિવિલ તંત્ર સજ્જ 

ગુજરાત હાઈકોર્ટેના નિર્દેશ સાથે  જ સિવિલ હોસ્પીટલનું તંત્ર 'એક્ટીવ' થઇ ગયું છે. અને જરૂરી તૈયારીઓ આદરી દીધી છે. દેશમાં કોરોનાની ત્રીજી લહેર આવવાની સંભાવનાઓ વચ્ચે અમદાવાદનું સિવિલ તંત્ર સજ્જ થઈ ગયું છે. અમદાવાદ સિવિલમાં 1200 બેડ રિઝર્વ રાખવામાં આવ્યા છે. કોરોના માટે 3 હજાર બેડની વ્યવસ્થા પણ કરવામાં આવી છે. ઉપરાંત ઓક્સિજન ટેન્ક અને દવાનો જથ્થો વધારવામાં આવ્યો છે.  સિવિલ હોસ્પિટલના સુપરિન્ટેન્ડન્ટ ડૉક્ટર રાકેશ જશીએ જણાવ્યું કે નાગરિકોએ ધ્યાન રાખવું જોઈએ. ઓમિક્રોન ત્રણ ગણો ઝડપથી વધી રહ્યો છે.. જેથી મેળાવડા અને બિન જરૂરી બહાર જવાનું ટાળવું જોઈએ. સાથે જ જણાવ્યું કે લોકડાઉન કોઈ નિરાકરણ નથી. લોકોએ ખુદ સાવચેતી રાખવાની જરૂર છે.

અમદાવાદમાં સંક્રમણ વધ્યું 

અમદાવાદમાં માં છેલ્લા 24 કલાક દરમિયાન કોરોનાના વધુ 182 કેસ નોંધાયા છે. 12 દિવસમાં જ કોરોનાના કેસમાં લગભગ 25 ગણો વધારો થયો છે. 12 દિવસ પહેલાં એટલે કે 18 ડિસેમ્બરે માત્ર 14 કેસ નોંધાયા હતા. આ ઉપરાંત 206 દિવસના ગાળા પછી આટલી મોટી સંખ્યામાં કેસ આવ્યા છે. અગાઉ 4 જૂને 176 કેસ નોંધાયા હતા. આમ સોમવારે અમદાવાદમાં 178 કેસની સરખામણીએ મંગળવારે  વઘુ 4 કેસ નોઘાતા આંક 182 પર પહોંચ્યો છે. મંગળવારે નોંધાયા કેસમાં સૌથી વધુ બોડકદેવ, મણિનગર, થલતેજ અને ચાંદલોડિયાના છે.