- અમદાવાદમાં આઉટ ઓફ કંટ્રોલ કેસ
- આજે રેકોર્ડ બ્રેક 4409 કોરોના કેસ
અમદાવાદ ધીરે ધીરે કોરોનાના ખપ્પરમાં હોમાતુ હોય તેવુ દેખાઈ રહ્યું છે. જો જાન્યુઆરી થયેલી ત્રીજી લહેરની શરૂઆતમાં 1 જાન્યુઆરીના રોજ અમદાવાદમાં 559 કેસ સામે આવ્યા હતા જે બાદ 3 દિવસમાં એટલે કે 4 જાન્યુઆરીના રોજ તે કેસ ડબલ થઈ 1290 સુધી પહોંચી ગયા હતા. અહીથી કોરોનાએ અમદાવાદમાં પીક પકડી હતી અને જોત જોતામાં 07 જાન્યુઆરી 2000, 12 જાન્યુઆરી 3000ને પાર તેમજ આજે સોમવારનાને 17 જાન્યુઆરી 4000ને પાર કોરોના કેસના આંકડા પહોંચી ગયા છે.
કુલ કેસના 40 ટકા કેસ માત્ર અમદાવાદ શહેરના
કોરોના અમદાવાદમાં આ સ્પીડે આગળ વધ્યો તો એ દિવસો પણ દૂર નથી કે રાજ્યમાં હાલમાં આવતા કુલ કેસ જેટલા જ કેસ અમદાવાદમાંથી રોજે રોજ સામે આવે..અત્યાર સુધીના આંકડાઓ પર નજર કરીએ તો કુલ કેસના 40 ટકા કેસ માત્રને માત્ર અમદાવાદ શહેર અને ગ્રામ્ય થઈ બહાર આવી રહ્યા છે.રવિવારની સ્થિતિ મુજબ કોરોના સંક્રમણ અટકાવવા અ.મ્યુ.કો. દ્વારા નવા કુલ 4 માઈક્રો કન્ટેઈન્મેન્ટ ઝોન જાહેર કરવામાં આવતા હાલમાં શહેરમાં કુલ 147 માઈક્રો કન્ટેઈન્મેન્ટ ઝોન અમલમાં છે.
અમદાવાદના છેલ્લા 17 દિવસના ચિંતાજનક કેસ
| તારીખ |
કેસ |
તારીખ |
કેસ |
| 01 જાન્યુઆરી |
559 |
09 જાન્યુઆરી |
2487 |
| 02 જાન્યુઆરી |
396 |
10 જાન્યુઆરી |
1893 |
| 03 જાન્યુઆરી |
631 |
11 જાન્યુઆરી |
2861 |
| 04 જાન્યુઆરી |
1290 |
12 જાન્યુઆરી |
3843 |
| 05 જાન્યુઆરી |
1637 |
13 જાન્યુઆરી |
3673 |
| 06 જાન્યુઆરી |
1835 |
14 જાન્યુઆરી |
3090 |
| 07 જાન્યુઆરી |
2281 |
15 જાન્યુઆરી |
2621 |
| 08 જાન્યુઆરી |
2521 |
16 જાન્યુઆરી |
3315 |
| - |
- |
17 જાન્યુઆરી |
4409 |
કોરોના કેસો સાથે વેકસીનેશનમાં પણ અમદાવાદ પ્રથમ
કોરોના કેસો વધી રહ્યા છે.અમદાવાદ શહેર કરતા જીલ્લામાં વેક્સિનેસન કામગીરી મોખરે છે છતાંય રાજ્યભરમાં અમદાવાદ જિલ્લો વેકસીનેશનની કામગીરીમાં પ્રથમ ક્રમે છે. જિલ્લામાં 150 થી વધુ ગામોમાં 100 ટકા વેક્સિનેસનની કામગીરી પૂર્ણ કરવામાં આવી છે. જ્યારે જિલ્લામાં પ્રથમ ડોઝ 111 અને બીજા ડોઝનું 115 ટકા વેકસીનેસન કામગીરી પૂર્ણ કરી દેવામાં આવી છે.15 થી 18 વર્ષનું જિલ્લામાં 78.8 ટકા થયું વેકસીનેશન, જિલ્લામાં 18 થી 45 વર્ષની વયનું પ્રથમ ડોઝનું 111 ટકા જયારે બીજા ડોઝનું 112 ટકા વેકસીનેશન પૂર્ણ તો પ્રિકોશન ડોઝનું 19989 ટાર્ગેટ સામે 11059નું વેકસીનેશન થતાં સમગ્ર ગુજરાતમાં રસીકરણમાં અવ્વલ નંબરે છે.
ગુજરાતમાં 12,753 કેસ સામે આવતા ફફડાટ
ગુજરાતમાં કેસ એકી શ્વાસે એક જ ધારા રોજે રોજ લોકોના શ્વાસ અધ્ધર કરી રહ્યા છે. છેલ્લા 24 કલાકમાં 12753 કેસ કોરોના પોઝિટિવ આવતા તંત્ર વધુ સાબદું થઈ ગયું છે. આજે સૌથી વધુ અમદાવાદ શહેરમાં 4340 કેસ તો ગ્રામ્યમાં 69 કેસ સામે આવ્યા છે જ્યારે સુરત શહેરમાં 2955 કેસ તો રાજકોટ શહેરમાં 461 કેસ, વડોદરા શહેરમાં 1207 કેસ સામે આવ્યા છે. ગાંધીનગર શહેરમાં 212 કેસ, ભાવનગર શહેરમાંસ 202 કેસ સામે બહાર અવાતા ફરી ચિંતાનું મોજું ફરી વળ્યું છે. તો 5 લોકોના મોત થયા છે જ્યારે 95 દર્દીઓ વેન્ટિલેટર પર છે. 5984 દર્દીઓ સાજા થયા છે. આ સાથે રાજ્યમાં કુલ એક્ટિવ કેસ 70,374 સુધી પહોંચી ગયા છે.
