લોકસભા ચૂંટણી 2024 / આગામી 10મીએ ગુજરાત કોંગ્રેસના પ્રભારી આવશે અમદાવાદ, બેઠકમાં લોકસભા ચૂંટણીની રણનીતિ પર કરાશે ચર્ચા

લોકસભા ચૂંટણીનો પ્રચાર તેજ છે. ઉમેદવારો ગામડે ગામડે ફરીને લોકોને આકર્ષવા માટે મથામણ કરી રહ્યા છે. તો બીજી તરફ રાજકીય કાર્યાલયોથી પ્રચાર અને મતદારોને આકર્ષવા પ્લાન પણ તૈયાર કરવામાં આવી રહ્યાં છે. ત્યારે ગુજરાત કોંગ્રેસના પ્રભારી મુકુલ વાસનિક આગામી 10 એપ્રિલે અમદાવાદ આવશે. જેઓ લોકસભા ચૂંટણી અનુસંધાને કાર્યકર્તાઓને માર્ગદર્શન આપશે.

મીડિયા સેન્ટરનું નિરીક્ષણ કરશે

આગામી 10 તારીખે  ગુજરાત કોંગ્રેસ પ્રભારી મુકુલ વાસનિક રાજીવ ગાંધી ભવન ખાતે કોંગ્રેસની અગત્યની બેઠકની આગેવાની કરશે. જે બેઠકમાં લોકસભા ચૂંટણીની રણનીતિને લઈને ચર્ચા કરવામાં આવશે. સાથો સાથ તેઓ લોકસભા ચૂંટણી માટે તૈયાર થઈ રહેલા મીડિયા સેન્ટરનું પણ નિરીક્ષણ કરશે.

કોંગ્રેસનો આ ચાર બેઠક પર પેચ ફસાયો

અત્રે જણાવીએ કે, ગુજરાતની ચાર બેઠકો પર કોંગ્રેસનો ઉમેદવારને લઈ પેચ ફસાયેલો છે. જેને લઈ પણ મહેસાણામાં ભાજપે હરિ પટેલને ટિકિટ આપી છે તો કોંગ્રેસ હજુ સુધી ઉમેદવારને લઈ મનોમંથનમાં છે, તો અમદાવાદ પૂર્વ બેઠકને લઈ પણ કોંગ્રેસ અસમજસમાં છે. ચર્ચાસ્પદ બેઠક રાજકોટની વાત કરવામાં આવે તો અહીં પરષોત્તમ રૂપાલા સામે કોંગ્રેસને કોને ઉમેદવાર બનાવવો તે પણ વિચાર હેઠળ હોય તેવું અત્યારે જણાય છે. ભાજપ પ્રદેશ અધ્યક્ષ સી આર પાટીલ સામે નવસારી બેઠક પર પણ કોંગ્રેસે અત્યાર સુધી ઉમેદવારનો નામ જાહેર કર્યો નથી.

જુઓ કોની કોની વચ્ચે રાજકીય ટક્કર ?

વાંચવા જેવું: વિસાવદર બેઠકની પેટા ચૂંટણી થશે વિલંબિત, કારણ મામલો પહોંચ્યો હાઈકોર્ટ, જાણો વિવાદ

મુકુલ વાસનિક કોણ છે ?

તેઓ ગુજરાત કોંગ્રેસના પ્રભારી તરીકે વર્તમાનમાં જવાબદારી નીભાવે છે. સૌથી નાની વયે સાંસદ બનનાર નેતાઓમાં મુકુલ વાસનિકની પણ ગણના થાય છે, પાપ્ત વિગતો મુજબ તેઓ 25 વર્ષની ઉંમરે જ બુલઢાણા બેઠક પરથી સાંસદ બન્યા હતા. અત્રે ઉલ્લેખનીય છે કે, કેન્દ્રની યુપીએ સરકારમાં સામાજિક ન્યાય અને અધિકારિતા મંત્રી પણ રહી ચૂક્યાં છે. વર્ષ 2022માં તેઓ રાજ્યસભાના સાંસદ બન્યા હતા. વર્ષ 2009થી 2014 સુધી મહારાષ્ટ્રની રામટેક બેઠકનું પ્રતિનિધિત્વ તેમણે કર્યું હતું. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો