તમારા કામનું / ખુશખબર : લગ્ન સિઝનમાં સોનું થયુ સસ્તું, ચાંદીના ભાવ પણ ઘટ્યા, ચેક કરો આજના લેટેસ્ટ રેટ

• MCX પર ચાંદીની કિંમત 0.05 ટકાના ઘટાડા સાથે કારોબાર કરી રહી છે
• MCX પર સોનાના ભાવમાં 0.18 ટકાનો ઘટાડો નોંધવામાં આવ્યો
• સોનું રેકોર્ડ સ્તરથી 8400 રુપિયા સસ્તું થઈ ગયું છે

લગ્નની સીઝનમાં સોનાના ભાવમાં સતત ઘટાડો જોવા મળી રહ્યો છે. મલ્ટી કમોડિટી એક્સચેન્જ પર આજે ફેબ્રુઆરી ડિલીવરી વાળા સોનાના ભાવમાં 0.18 ટકાનો ઘટાડો નોંધવામાં આવ્યો છે. ત્યારે ચાંદીની કિંમત 0.05 ટકાના ઘટાડા સાથે કારોબાર કરી રહી છે.

જાણો શું છે સોના ચાંદીના ભાવ

ફેબ્રુઆરી ડિલીવરી વાલા સોનાની કિંમત આજે 0.18 ટકાના ઘટાડા સાથે 47, 785 રુપિયા પ્રતિ 10 ગ્રામના સ્તર પર છે. ત્યારે આજે કારોબારમાં ચાંદી 0.05 ટકા નીચે આવી ગઈ. આજે 1 કિલો ચાંદીનો ભાવ 61, 278 રુપિયા છે.

રેકોર્ડ સ્તરથી 8400 રુપિયા સસ્તું થઈ ગયું છે

ઓગસ્ટ 2020ની સરખામણીએ  MCX પર વર્ષ 2020માં આ સમયે 10 ગ્રામ સોનાનો ભાવ લગભગ 56, 200 રુપિયાના ઉચ્ચત્તમ સ્તર પર પહોંચી ગયો હતો. ત્યારે આજે સોનું ઓગસ્ટ વાયદા  MCX રુ. 47,785 પ્રતિ 10 ગ્રામ પર ટ્રેડ કરી રહ્યું છે.એટલે કે ગોલ્ડ પોતાના ઉચ્ચતમ સ્તરથી  8400 રુપિયા સસ્તું મળી રહ્યું છે.

મિસ કોલ કરી આ રીતે  જાણો સોનાના ભાવ

ઉલ્લેખનીય છે કે તમે આ ભાવનો સરળતાથી ઘરે બેઠા જાણી શકો છો. આ માટે તમારે ફક્ત આ નંબર 8955664433 પર મિસ્ડ કોલ કરવાનો રહેશે. તમારા ફોનમાં મેસેજ આવી જશે. જેનાથી તમને લેટેસ્ટ ભાવ ખબર પડશે.

આ રીતે ચેક કરો શુદ્ધતા

તમે સોનાની શુદ્ધતા ચેક કરવા ઈચ્છો છો તો આ માટે સરકારની તરફથી એક એપ બનાવવામાં આવી છે. 'BIS Care app' થી ગ્રાહક સોનાની શુદ્ધતા જાણી શકે છે. આ એપની મદદથી સોનાની શુદ્ધતા ચેક કરવાની સાથે તેને લઈને ફરિયાદ પણ કરી શકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહક તેની ફરિયાદ કરી શકે છે. આ એપની મદદથી ગ્રાહકને ફરિયાદ નોંધવાની જાણકારી મળી રહે છે.