એલર્ટ / વાંરવાર DP બદલવાની છે ટેવ? તો થઈ જજો સાવધાન, સાયબર ગઠિયાઓની વોચ લિસ્ટમાં પહેલા આવી જશો, પોલીસેનું એલર્ટ

• ગોવા પોલીસે સાયબર ક્રાઈમ ઘટાડવા આપી સલાહ
• મહિલાઓને કહ્યું કે DP વારંવાર ન બદલવા
• ગુનેગારો DP બદલનારાઓની શોધમાં હોય છે

સોશિયલ સાઈટ્સ પર વારંવાર ડિસ્પ્લે પિક્ચર DP અથવા તો પ્રોફાઈલ ફોટો બદલવાથી તમે સાયબર ક્રાઈમનો શિકાર બની શકો છો. ગોવા પોલીસે મહિલાઓને સાયબર ક્રાઈમથી બચવા માટે એક સલાહ આપી છે. પોલીસે કહ્યું કે વારંવાર ડીપી બદલવાથી સાવધાન રહેવું કારણકે  આવા ગુનેગારો વારંવાર ડીપી બદલનારાઓની શોધમાં હોય છે.

શક્ય હોય તેટલાં ઓછા ફોટો અપલોડ કરવા
મહિલાઓની સામે સાયબર ક્રાઈમનાં વધી રહેલા મામલાઓને ધ્યાનમાં લઈને પોલીસ અધિક્ષક સુનીતા સાવંતે મીડિયાને કહ્યું કે ગતવર્ષની તુલનામાં આ વર્ષે મામલાઓ બેગણાં થઈ ગયાં છે. જેનું મુખ્ય કારણ મહિલાઓની તરફથી સોશિયલ મીડિયા પર પોતાને અસુરક્ષિત બનાવવું અને બ્લેકમેઈલર્સનો શિકાર બનવાનું છે.પોલીસ અધિક્ષકે કહ્યું કે જ્યારે આપણે ઈંટરનેટ, ફેસબુક ઈંસ્ટાગ્રામ પર હોઈએ છીએ તો આપણે શક્ય હોય તેટલાં ઓછા ફોટો અપલોડ કરવા જોઈએ, પોતાને ઉજાગર ન કરવું જોઈએ. આપણે આપણી DP વારંવાર ન બદલવી જોઈએ. શિકારીઓ આ પ્રકારનાં એકાઉન્ટને સૌથી પહેલાં ટારગેટ કરતાં હોય છે. 

બદનામી અને ઉત્પીડનનો સામનો કરવો પડી શકે છે
સુનીતા સાવંતે કહ્યું કે તેના લીધે તમારે બદનામી અને ઉત્પીડનનો સામનો કરવો પડી શકે છે. એક રીલ અપલોડ કરીને તમે પોતાને એક હજાર કે 2 હજાર લોકોની સામે ઉજાર કરી રહ્યાં છો જેના લીધે આ પ્રકારનાં કેસ થઈ શકે છે. પારિવારિક ફોટો પણ શક્ય હોય તેટલા ઓછા અપલોડ કરવા જોઈએ.

પોલીસકર્મીઓનાં બાળકોને પણ નથી છોડ્યું...
તેમણે કહ્યું કે,' ઓનલાઈન ક્રિમિનલ્સે પોલીસકર્મીઓનાં બાળકોને પણ નથી છોડ્યું. હમણાં ચાર દિવસ પહેલાં અમને એક છોકરીની ફરિયાદ મળી હતી કે ફેસ-ઈટ ઈંસ્ટાગ્રામ એકાઉન્ટ બીજા કોઈએ ખોલ્યું હતું અને તે છોકરીની રીલો અને ફોટો અપલોડ કરવાનું શરૂ કરી દીધું હતું. તેને  બદનામ કરવાનું શરૂ કરી દીધું હતું. સાઈબર ક્રાઈમે ગુનો નોંધી લીધો છે અને મામલાની તપાસ કરવામાં આવી રહી છે.'