તમારા કામનું / VIDEO: 29મી ફેબ્રુઆરી સુધીમાં ઘરે બેઠા કરાવી લો FAStagનું KYC અપડેટ, નહીં તો ભરવો પડશે બમણો Toll Tax

નેશનલ હાઈવે ઓથોરિટી ઓફ ઈન્ડિયા એટલે કે NHAI પોતાની ‘વન વ્હીકલ, વન ફાસ્ટેગ’પહેલને લાગુ કરી રહી છે, એટલે કે એક વ્હિકલમાં એક જ ફાસ્ટેગનો ઉપયોગ કરી શકાશે. NHAI એ ફાસ્ટેગનના KYCને અપડેટ કરવાની સમય મર્યાદા 29 ફેબ્રુઆરી 2024 સુધી વધારી છે. 

પણ જો તમે 29મી ફેબ્રુઆરીની નવી ડેડલાઈન સુધીમાં તમારું ફાસ્ટેગ કેવાયસી અપડેટ નહીં કરો, તો તમારો ફાસ્ટેગ 1લી માર્ચથી ડીએક્ટિવ થઈ જશે, એટલે કે તમારે ડબલ ટોલ ટેક્સ ચૂકવવો પડશે. તમે ઓનલાઈન અને ઓફલાઇન બંને રીતે KYC અપડેટ કરી શકો છો, હવે જો ઓનલાઈન તમારા ફાસ્ટેગનું KYC અપડેટ કરાવું છે તો આ પ્રોસેસ ફોલો કરો. 

આઈડી પ્રૂફ અને સરનામાના પુરાવા માટે પાસપોર્ટ, વોટર આઈડી કાર્ડ, આધાર કાર્ડ, ડ્રાઈવિંગ લાયસન્સ અથવા પાન કાર્ડમાંથી કોઈ પણ એક આ ઉપરાંત, વ્હીકલની RC એટલે કે રજિસ્ટ્રેશન સર્ટિફિકેટ અને એક પાસપોર્ટ સાઇઝનો ફોટો જોઈશે. 

એ બાદ સૌથી પહેલા તો તમારા ફોનમાં અથવા કમ્પ્યુટરમાં https://fastag.ihmcl.com વેબસાઈટ ખોલી લો.
હવે જિસ્ટર્ડ મોબાઈલ નંબર જે તમારા ફાસ્ટેગ સાથે લિંક છે તે પાસવર્ડ સાથે ઈન્સર્ટ કરો. પાસવર્ડ યાદ નથી, તો Get OTP પર ક્લિક કરો. 
જો KYC અપડેટ ન થયું હોય, તો 'KYC'સબ સેકશન પર ક્લિક કરો અને પછી કસ્ટમર ટાઈપ સિલેકટ કરવાનું રહેશે
હવે ID પ્રૂફ અને એડ્રેસ પ્રૂફ સબમિટ કરીને બાકીની ઈન્ફો ભરવાની છે. સાથે જ તમારો પાસપોર્ટ સાઇઝનો પણ અપલોડ કરો. 
તમારા કેવાયસીની પ્રોસેસ શરૂ થઈ ગઈ.

આ ઉપરાંત જો તમે કોઈ બેન્ક દ્વારા ફાસ્ટેગ લીધેલો છે, તો તમે તેના પોર્ટલ પર જઈને પણ કેવાયસી કરી શકો છો. અથવા તો ફાસ્ટેગ વોલેટ એપ દ્વારા મોબાઈલમાંથી પણ કેવાયસી કમ્પલિટ કરી શકો છો.

વધુ વાંચો: જલ્દી કરો! FASTAG KYCની છેલ્લી તારીખ નજીક આવી ગઇ, ફટાફટ અપડેટ કરાવી લેજો નહીં તો મુશ્કેલીમાં મુકાશો

ફાસ્ટેગ કેવાયસીની ઑફલાઇન રીત 
આ સિવાય તમે ફાસ્ટેગનું ઓફલાઈન કેવાયસી પણ કરાવી શકો છો. આ માટે તમે જે બેંકમાંથી ફાસ્ટેગ લીધું છે તે બેંકની બ્રાન્ચ પર જઈને તમે KYC પૂર્ણ કરી શકો છો. જો તમને કોઈ મદદ અથવા માહિતીની જરૂર હોય, તો તમે નજીકના ટોલ પ્લાઝા પર જઈને પૂછપરછ કરી શકો છો. આ સિવાય ટોલ ફ્રી નંબર 1033 પર કોલ કરીને પણ માહિતી મેળવી શકો છો.