- આકરા સ્વભાવને લઈ જાણીતો પૂર્વ ક્રિકેટર ગંભીર ચર્ચામાં આવ્યો
- કોહલી-કોહલીના નારા લાગતા ગંભીરે કર્યો આવો ઈશારો
- બને વચ્ચે ચાલી રહી છે લડાઈ
ભારતીય ક્રિકેટ ટીમના પૂર્વ ખેલાડી ગૌતમ ગંભીર પોતાના આકરા સ્વભાવને લઈને જાણીતા છે. છાશવારે તેઓ ચર્ચામાં રહેતા હોય છે. તેવામાં વધુ એક વખત એનો ગુસ્સો સામે આવ્યો છે. હાલ ગંભીર એશિયા કપ-2023માં ગંભીર કોમેન્ટ્રી કરી રહ્યો છે. ત્યારે આજે સોમવારે ભારત અને નેપાળ વચ્ચે મેચ રમાઈ રહી હતી. ત્યારે ગ્રાઉન્ડ પરથી ગંભીર પરત ફરી રહ્યો હતો આ વેળાએ લોકોએ કોહલી-કોહલીના નારા લગાવ્યા હતા.
ગંભીર ફોન પર વાત કરી રહ્યો હતો ત્યારે કોહલી-કોહલીના નારા લાગતા તે ગુસ્સાથી લાલચોળ થઈ ગયો હતો. એટલું જ નહીં તેણે મિડલ ફિંગર બતાવી ઈશારો કર્યો હતો. હાલ આ વીડિયો સોશિયલ મીડિયામાં ખૂબ વાયરલ થઈ રહ્યો છે. મહત્વનું છે કે કોહલી અને ગંભીર વચ્ચે 2013થી વાંધો ચાલી રહ્યો છે. જે આઈપીએલમાં પણ લડી પડયા હતા.
અગાઉ IPL-2023માં થઈ હતી માથાકૂટ
IPL-2023માં બંને ખેલાડી વચ્ચે ઝઘડો થઈ ગયો હતો. બાદમાં બને વચ્ચે વિવાદ વકરી રહ્યો છે. IPLમાં ગંભીર લખનૌ સુપર જાયન્ટ્સનો મેન્ટર હતો અને વિરાટ કોહલી રોયલ ચેલેન્જર્સ બેંગ્લોરમાંથી રમતો હતો. આ મેચમાં નવીન ઉલ હક અને કોહલી વચ્ચે માથાકૂટ બાદ ગંભીરે હસ્તક્ષેપ કરતા આ બને વચ્ચે પણ મોટાપાયે બોલાચાલી થઈ ગઈ હતી.
વાત 2013ની છે
બંનેની લડાઈ ખૂબ જૂની છે. વાત 2013 ની છે જ્યારે કોહલી બેંગ્લોરનો કેપ્ટન હતો અને ગંભીર કોલકાતા નાઈટ રાઈડર્સનો કેપ્ટન હતો, આ દરમિયાન મેચમાં કોહલીના આઉટ થતા ગંભીર કઈક કોમેન્ટ પાસ કરી હતી બાદમાં કોહલીએ જવાબ આપ્યો અને પછી ગંભીર ગુસ્સે થયા બાદ લડવા લાગ્યો હતો.
