રેસિપિ / આજે ગણેશ ચતુર્થીએ બાપ્પાને ધરાવો મોદકનો ભોગ, અપનાઓ આ ટ્રીક ને મેળવો ગજાનંદના ભરપૂર આશીર્વાદ

• ગણેશ ચતુર્થીનો તહેવાર દેશભરમાં ધામધૂમથી ઉજવવામાં આવે છે
• જેટલો મહિમા ભજન અને ભક્તિનો છે તેટલો જ મહિમા પ્રસાદનો પણ છે
• આજે જ નોંધી લો આ સ્વાદિષ્ટ મોદકની રેસિપી

ગણેશ ચતુર્થીનો તહેવાર દેશભરમાં અને ખાસ કરીને મહારાષ્ટ્રના લગભગ દરેક શહેરમાં ધામધૂમથી ઉજવવામાં આવે છે.  ગણેશ ચતુર્થીના દિવસે લોકો 10 દિવસ સુધી ભગવાન ગણેશની પૂજા કરે છે અને દરેક વ્યક્તિ પોતાના પરિવારમાં સુખ, શાંતિ અને સમૃદ્ધિની માંગ કરે છે. 

આજે ગણેશ ચતુર્થી છે અને સામાન્ય રીતે હિન્દુ તહેવારોમાં જેટલો મહિમા ભજન અને ભક્તિનો છે તેટલો જ મહિમા પ્રસાદનો પણ છે. આથી રોજ અવનવા પ્રસાદ તો ભગવાનને ધરાવવા જ પડે. બસ તો આજે જ નોંધી લો આ સ્વાદિષ્ટ મોદકની રેસિપી અને પછી ટ્રાય કરો તમારા રસોડે.

માવા મોદક ચોકલેટી
સામગ્રી -કવર માટે
- 1 કપ ચોખાનો લોટ 
- 1/2 કપ મેંદો  
- 2 ટી સ્પૂન ઘી
- 1 ચપટી મીઠું
- ઘી જરૂર પ્રમાણે

સ્ટફિંગ માટેની સામગ્રી 
- 1 કપ માવો  
- 1/2 કપ ખાંડ 
- 1/2 કપ છીણેલી ચોકલેટ
- ચોકલેટ સોસ જરૂર પ્રમાણે

રીત
સૌપ્રથમ માવો થોડો સેકી લો. ઠંડો કરો તેમજ ચોકલેટ અને ખાંડ મિક્સ કરો. કવર સામગ્રી મિક્સ કરીને ગૂંથી લો અને પુરીઓ વણીને તૈયાર કરી લો. ત્યાર બાદ ભરવાની સામગ્રી તેમાં ભરી દો. મોદક તૈયાર કરો. ઘી ગરમ કરો અને બધા મોદક ધીમા તાપ પર તળી લો અને પછી ગણપતિજીને ભોગ લગાવો.