ધર્મ / ગણપતિ બાપ્પા મોરિયા: પૂજા દરમ્યાન ગણેશજી પર આ રીતે અર્પણ કરો દુર્વા, અઢળક કૃપા વરસશે

• ગણેશ ચતુર્થી 31 ઓગષ્ટના દિવસે મનાવવામાં આવશે
• ગણપતિની પૂજા કરતી વખતે અમુક વાતોનુ રાખો ધ્યાન
• જાણો ગણેશજી પર દુર્વા ચઢાવવાના નિયમ

દુર્વા ગણપતિ બાપ્પાને અત્યંત પ્રિય 

ગણેશ ચતુર્થી 31 ઓગષ્ટના દિવસે મનાવવામાં આવશે. ઘરમાં ગણેશજીની સ્થાપના કરવાથી રિદ્ધી-સિદ્ધી પ્રાપ્ત થાય છે. માન્યતા છે કે ભગવાન ગણેશ જલ્દી નારાજ થાય છે, પરંતુ તેમને મનાવવા પણ એટલા જ સરળ છે. તેથી ગણપતિની પૂજા કરતી વખતે અમુક વાતોનુ ધ્યાન રાખવામાં આવે તો બાપ્પાને જલ્દી પ્રસન્ન કરી શકાય છે. જ્યોતિષ શાસ્ત્ર મુજબ ગણેશજીને તેમની પ્રિય વસ્તુઓ અર્પણ કરવાથી લાભ થાય છે. જેમાંથી એક દુર્વા છે. કહેવાય છે કે દુર્વા બાપ્પાને ખૂબ પ્રિય છે અને ગણપતિની પૂજા દુર્વા વગર અધૂરી માનવામાં આવે છે. આવો જાણીએ દુર્વા ચઢાવવાના નિયમ. 

આ રીતે અર્પણ કરો દુર્વા

જ્યોતિષ શાસ્ત્ર મુજબ દુર્વા વગર ગણપતિની પૂજા અધૂરી માનવામાં આવે છે. આ સાથે એવુ પણ કહેવામાં આવે છે કે બાપ્પાને દુર્વા અર્પણ કરવાથી તેઓ જલ્દી પ્રસન્ન થાય છે અને ભક્તોના બધા દુ:ખ હરી લે છે. દુર્વા હંમેશા જોડીમાં અર્પણ કરવામાં આવે છે. એવામાં બે દુર્વાને જોડીને એક ગાંઠ મારવામાં આવે છે. એવામાં 22 દુર્વાને જોડીને 11 જોડી તૈયાર કરી લો. જો આ શક્ય ના હોય તો બાપ્પાને 3 અથવા 5 ગાંઠવાળી દુર્વા પણ અર્પણ કરી શકાય છે. 

દુર્વા અર્પણ કરવાના મંત્ર

ઈદં દૂર્વાદલં ઓમ ગં ગણપતયે નમ:
ઓમ ગં ગણપતયે નમ:
ઓમ એકદંતાય વિદ્મહે, વક્રતુન્ડાય ધીમહિ, તન્નો દંતી પ્રચોદયાત
ઓમ શ્રી ર્હીં ક્લેં ગ્લૌમ ગં ગણપતયે વર વરદ સર્વજન જનમય વાશમનયે સ્વાહા તત્પુરૂષાય વિદ્મહે વક્રતુંડાય ધિમહિ તન્નો પ્રચોદયાત ઓમ શાંતિ શાંતિ શાંતિ:
ઓમ વક્રતુન્ડૈક દ્રંષ્ટ્રાય ક્લીં ર્હીં શ્રી ગં ગણપતે વર વરદ સર્વજનં મે વશમાનય સ્વાહા