- શિક્ષણ મંત્રીના APS અભયસિંહ ઝાલાને હટાવાયા
- શિક્ષણમંત્રી કુબેર ડીંડોરની ઓફિસમાં APS તરીકે હતા અભયસિંહ ઝાલા
- એસ.કે લાંગાની ચાલી રહેલ તપાસમાં નામ આવતા લેવાયો નિર્ણય
ગાંધીનગરની મોટા સમાચાર સામે આવ્યા છે. રાજ્યના શિક્ષણમંત્રીના અંગત સચિવને હટાવાયા છે. જેમાં એસ.કે લાંગા કેસમાં નામ ખુલતા અભયસિંહ ઝાલાને હટાવી દેવામાં આવ્યા છે. શિક્ષણ મંત્રીના APS અભયસિંહ ઝાલાને હટાવાતા ચર્ચા જાગી છે. શિક્ષણમંત્રી કુબેર ડીંડોરની ઓફિસમાં APS તરીકે અભયસિંહ ઝાલા ફરજ બજાવતા હતા. નોંધનિય છે કે ભ્રષ્ટાચાર કેસમા આઈએએસ અધિકારી એસ.કે લાંગાની સામે તપાસ ચાલી રહી છે. જેમાં નામ સામે આવતા નિર્ણય લેવાયો હોવાનું જાણવા મળી રહ્યું છે.
એસ.કે.લાંગા સામે કેસ શું છે?
- જમીન ખોટી રીતે આપી દેવાના કેસમાં ધરપકડ કરાઇ હતી
- જમીન કૌભાંડ સમયે ગાંધીનગરના કલેક્ટર હતા એસ.કે. લાંગા
- સરકારને આર્થિક નુકસાન પહોંચાડ્યાનો આરોપ છે
- ગાંધીનગરમાં કેતન ધૃવ નામના આરોપીએ કરી હતી ફરિયાદ
- ખોટા દસ્તાવેજ અને સત્તાનો દૂરઉપયોગ કરવા બાબતે થઇ હતી ફરિયાદ
- માતર વિરોજા ગામે બોગસ ખેડૂત બન્યા હતા
- કાર્યકાળ દરમિયાન પેથાપુરમાં સરકારી જમીન ખાનગી વ્યક્તિને અપાવી
- બિન ખેડૂતોને ખેડૂત બનાવી જમીનને બિનખેતીમાં તબદીલ કરવાનું કૌભાંડ કર્યુ
કોણ છે એસ.કે.લાંગા?
- એસ.કે.લાંગા ગાંધીનગર જિલ્લા કલેક્ટર તરીકે રહ્યા
- લાંગા 6 જિલ્લામાં RAC,DDO અને કલેકટર પદે રહ્યા છે
- AMCમાં ડેપ્યુટી મ્યુનિસિપલ કમિશનર તરીકે ફરજ બજાવી ચુક્યા છે
- લાંગાની સાથે તેમની સાથેના અધિકારી પણ વિવાદમાં રહ્યાં છે
- ગોધરાના કલેક્ટર હતા ત્યારે પણ તેમની સામે ગુનો દાખલ થયેલો છે
- ખાનગી વ્યક્તિને જમીનનો લાભ અપાવતા પંચમહાલ પોલીસે ગુનો દાખલ કર્યો હતો
એસ.કે.લાંગાની સંપત્તિ કેટલી?
- એસ.કે.લાંગા તેમના મળતિયા અને સંબંધીના નામે અઢળક સંપત્તિ
- જમીનોના સોદામાં ભાગ પણ રહેતો હતો
- અમદાવાદના બોપલમાં ફાર્મ હાઉસ અનેક દુકાનો હોવાની ચર્ચા
- પરિવારના સભ્યના નામે પણ અનેક પ્રોપર્ટી
- રાઇસ મિલમાં ભાગીદારી હોવાની ચર્ચા
માતરનો મામલો શું હતો?
- માતરમાં બિન ખેડૂતોની તપાસમાં દસ્તાવેજોની ચકાસણી થયો હતો પર્દાફાશ
- માતર તાલુકાના વિરોજા ગામે ખરીદી હતી જમીન
- રેકર્ડ અને કાગળની ચકાસણી દરમિયાન ખોટી રીતે ખેડૂત બન્યાની ચર્ચા
- ખેડૂત બન્યા તે અંગે જરૂરી પુરાવા રજૂ કરવા નોટિસ અપાઇ હતી
- નોટિસ બાદ લાંગા ખેડૂત હોવાના પૂરાવા રજૂ ન કરી શકતા કાર્યવાહી કરાઇ હતી
