આક્રમક / ગીગા ભમ્મરના વાણીવિલાસ સામે લડી લેવાના મૂડમાં ગઢવી-ચારણ સમાજ, ગામે-ગામ અપાયા આવેદનપત્ર

• ગીગા ભમ્મરના વાણીવિલાસથી રોષ
• ગઢવી-ચારણ સમાજ થયો નારાજ
• ગામે-ગામ અપાયા આવેદનપત્ર 

ભાવનગરના તળાજામાં આહીર સમાજ અગ્રણીના વિવાદિત નિવેદન બાદ ચારણ-ગઢવી સમાજમાં રોષ ફેલાયો છે. ત્યારે બોટાદના બરવાળા પંથકના ચારણ, કાઠી ક્ષત્રિય સમાજના અગ્રણીઓએ મામલતદારને આવેદનપત્ર પાઠવ્યુ છે. આ રોષને પગલે ભાવનગરના તળાજા ગઢવી સમાજે દાઠા પોલીસ મથકમાં ફરિયાદ નોંધાવી છે. તો રાજકોટમાં પણ ચારણ-ગઢવી સમાજે વિવાદાસ્પદ ટિપ્પણીને લઇ રેલી યોજી રાજકોટ ક્લેક્ટરને આવેદન પાઠવ્યુ છે.

બરવાળા પંથકમાં આવેદન પાઠવ્યા 
ગીગા ભમ્મરે ચારણ ગઢવી સમાજની વિરૂદ્ધ કરેલી અભદ્ર ટિપ્પણીનો મામલો સામે આવ્યો છે. બરવાળા પંથકના ગઢવી અને કાઠી સમાજમાં ઘેરા પ્રત્યાઘાત પડ્યાં છે. બરવાળા પંથકના ચારણ, કાઠી ક્ષત્રિય સમાજના અગ્રણીઓએ મામલતદારને આવેદનપત્ર પાઠવ્યુ છે. ગીગા ભમ્મર સામે કડક કાર્યવાહી કરવા સમાજના અગ્રણીઓની માગ છે. તળાજા ખાતે યોજાયેલા સમુહ લગ્ન સમારોહમાં ગીગા ભમ્મરે અભદ્ર ટીપ્પણી કરી હતી 

ગીગા ભમ્મર સામે ફરિયાદ નોંધાઈ 
ભાવનગરમાં ચારણ-ગઢવી સમાજ વિશે અપમાનજનક ટિપ્પણીને લઇ ફરિયાદ નોંધાઈ છે. તળાજા ગઢવી સમાજ દ્વારા દાઠા પોલીસ મથકમાં ફરિયાદ નોંધાવાઇ છે. માતાજીની ટીકા કરનાર ગીગા ભમ્મર સામે ફરિયાદ કરાઈ છે અત્રે જણાવીએ કે,  અમદાવાદ સાયબર ક્રાઇમમાં પણ ગીગા ભમ્મર સામે ફરિયાદ નોંધાઇ છે.  ચારણ ગઢવી સમાજ સામે વિવાદિત ટિપ્પણી બાદ રોષ ફાટી નીકળ્યો છે. વિવાદ બાદ ગીગા ભમ્મરના પુત્ર જીલુ ભમ્મરે માફી માગી છે. 

વાંચવા જેવું: ગુજરાતમાં વરસાદના કોઈ આસાર નહીં! બેવડી ઋતુનો થશે અહેસાસ, આગામી 5 દિવસની આગાહી પર કરો નજર

દાખલારૂપ કાર્યવાહીની માગ કરાઈ
રાજકોટમાં મોટી સંખ્યામાં ચારણ ગઢવી સમાજના લોકો એકત્ર થયા છે.  ગીગા ભમ્મર દ્વારા ટિપ્પણી સામે સમાજના લોકોએ રોષ વ્યક્ત કર્યો છે. વિવાદાસ્પદ ટિપ્પણીને લઇ રેલી યોજી આવેદન પાઠવવાનો નિર્ણય કરાયો હતો. જવાબદાર વ્યક્તિ સામે પોલીસ કેસ દાખલ કરી કાયદેસર કાર્યવાહીની માગ કરી છે.  ફરી વખત આવુ ન બને તેવી દાખલારૂપ કાર્યવાહીની માગ કરાઈ છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો