વડોદરાની એમ.એસ યુનિવર્સિટીમાં એડમિશનમાં ધાંધિયા થઈ રહ્યા હોવાનું સામે આવ્યું છે. હજુ સુધી વિદ્યાર્થીઓના FY અને SY Bcomના પરિણામો પણ જાહેર કરાયા નથી.
Share
A+ ગ્રેડ મેળવનાર યુનિવર્સિટીમાં એડમિશનના પણ ધાંધિયા
F.Y., S.Y. B.Comના પરિણામ હજુ સુધી નથી આવ્યા
આગળના વર્ષમાં એડમિશન વગર જ વિદ્યાર્થી અભ્યાસ કરે છે
અનેકવાર વિવાદોમાં આવતી વડોદરાની એમ.એસ યુનિવર્સિટીને લઇને વધુ એક મોટા સમાચાર સામે આવ્યા છે. NAAC રેન્કિંગમાં A+ ગ્રેડ મેળવનાર વડોદરાની એમ.એસ યુનિવર્સિટીમાં એડમિશનમાં ધાંધિયા થઈ રહ્યા હોવાનું સામે આવ્યું છે. હજુ સુધી વિદ્યાર્થીઓના FY અને SY Bcomના પરિણામો પણ જાહેર કરાયા નથી. પરિણામ ન આવતા વિદ્યાર્થીઓ આગળના વર્ષમાં એડમિશન વગર જ અભ્યાસ કરવા મજબૂર બન્યા છે. વિદ્યાર્થીઓ વિષય પસંદગી વગર અભ્યાસ કરી રહ્યા છે. ત્યારે એમ.એસ યુનિવર્સિટીના પૂર્વ નેતા અને સેનેટ સભ્ય અમરભાઈ દ્વારા વાઈસ ચાન્સેલરને લેખિતમાં રજૂઆત કરવામાં છે.
'ફર્સ્ટ સેમિસ્ટરની પરીક્ષા યોજાશે કે નહીં તેને લઈને વિદ્યાર્થી અવઢવમાં'
આ અંગે અમરભાઈએ જણાવ્યું કે, 'મહારાજા સંયાજીરાવ યુનિવર્સિટીની સૌથી મોટામાં મોટી એવી કોમર્સ ફેકલ્ટીમાં છેલ્લા ઘણા વર્ષોથી વિદ્યાર્થીઓ જે મુશ્કેલીઓને સામનો કરી રહ્યા છે. તે માટે અમે વારંવાર રજૂઆત કરી છે. એવી જ રીતે આ વર્ષે પણ આજે ફર્સ્ટ સેમિસ્ટરની પરીક્ષા આવવાના આરે છે. પરંતુ હજુ સુધી એફવાય બીકોમના ક્લાસ પણ શરૂ કરવામાં આવ્યા નથી. વિદ્યાર્થીઓ પણ અવઢવમાં છે કે ફર્સ્ટ સેમિસ્ટરની પરીક્ષા યોજાશે કે નહીં. મિડ સેમની પરીક્ષા આવવાના આરે છે, મિડ સેમની પરીક્ષા હજુ સુધી લેવાઈ નથી. એવી જ રીતે SY Bcom, TY Bcom એડમિશનની પ્રક્રિયા હજુ ચાલુ કરાઈ નથી. આ બાબતે અમે વાઈસ ચાન્સેલરને લેખિતમાં રજૂઆત કરી છે.'
વિદ્યાર્થીઓના ભવિષ્યને લઈને વાલીઓ ચિંતિત: સેનેટ સભ્ય
તેમણે જણાવ્યું કે, વિદ્યાર્થીઓના ભવિષ્યને લઈને વાલીઓ ચિંતિત છે. અમારી રજૂઆત એ છે કે વહેલામાં વહેલી તકે એફવાયના વર્ગો શરૂ કરવામાં આવે, સમયસર તેમની પરીક્ષા લેવામાં આવે. SY-TY Bcomના એડમિશન ક્યારે શરૂ કરાશે તેવી પણ માંગ કરાઈ છે.
એકેડમિક કેલેન્ડર બહાર પાડવાની માંગ
સેનેટ સભ્ય અમરભાઈએ જણાવ્યું કે, આજે અમે એ પણ માંગણી કરી છે કે, દર વર્ષે બહાર પાડવામાં આવતું એકેડમિક કેલેન્ડર બહાર પાડવામાં આવ્યું નથી, તેને તાત્કાલિક બહાર પાડવામાં આવે.
