SHORT & SIMPLE / હવે પેસેન્જરોએ દિલ્હી નહીં જવું પડે, આ તારીખથી શરૂ થશે અમદાવાદથી ડાયરેક્ટ શ્રીનગર ફ્લાઇટ

• અમદાવાદથી શ્રીનગરની ડાયરેક્ટ ફ્લાઇટ થશે શરૂ
• 1 જૂનથી અમદાવાદ-શ્રીનગર ફ્લાઇટ થશે શરૂ
• ઉનાળા વકેશન પૂરતી જ ઓપરેટ કરાશે શ્રીનગરની ફલાઇટ

ગુજરાતથી કાશ્મીર જતા મુસાફરો માટે રાહતના સમાચાર સામે આવ્યા છે.  એરલાઈન કંપની IndiGo અમદાવાદથી શ્રીનગરની ફ્લાઇટ શરૂ કરવા જઈ રહી છે. જેને આગામી 01 જૂનથી શરૂ કરાશે. અમદાવાદ એરપોર્ટ પરથી આ ફ્લાઇટને ઓપરેટ કરાશે. આ ઉપરાંત ઇન્ડિગો 15 જૂનથી ઇન્ટરનેશનલ રૂટમાં જેદાહની ફલાઈટ શરૂ કરશે. અમદાવાદ-શ્રીનગર ફ્લાઈટ સોમ, બુધ, શુક્ર, શનિ અને રવિવારે ઉપડશે.

મુસાફરો મળશે ઘણી રાહત
અમદાવાદ-શ્રીનગર ફ્લાઇટ શરૂ થયા બાદ મુસાફરોને ઘણી રાહત મળશે.  કારણ કે હાલ અમદાવાદથી આ સેક્ટરમાં એકપણ ડાયરેક્ટ ફ્લાઇટ નથી. મુસાફરોએ અમદાવાદથી દિલ્હી અને દિલ્હીથી કનેક્ટિંગ ફ્લાઇટ મારફતે શ્રીનગર જવું પડે છે. આપને જણાવી દઈએ કે, શ્રીનગરની ફલાઇટ ઉનાળા વકેશન પૂરતી જ ઓપરેટ કરાશે.