BIG BREAKING / પૂર્વ GPSC ચેરમેન દિનેશ દાસાને મળી મોટી જવાબદારી, UPSCના સભ્ય તરીકે વરણી, જાણો વિગત

• દિનેશ દાસાની UPSCના સભ્ય તરીકે વરણી
• રાષ્ટ્રપતિ દ્વારા કરવામાં આવી નિમણૂક
• GPSCના ચેરમેન રહી ચૂક્યા છે દિનેશ દાસા

GPSCના પૂર્વ ચેરમેન દિનેશ દાસાને મહત્વપૂર્ણ જવાબદારી સોંપાઈ છે. દિનેશ દાસાની UPSCના સભ્ય તરીકે વરણી કરવામાં આવી છે. અત્રે જણાવીએ કે, UPSCના સભ્ય તરીકે રાષ્ટ્રપતિ દ્વારા નિમણૂક કરવામાં આવી છે. 

દિનેશ દાસાએ ટ્વીટ કરી 
દિનેશ દાસાએ ટ્વીટ કરી જણાવ્યું છે કે, રાષ્ટ્રપતિએ મને યુપીએસસીના સભ્ય તરીકે નિયુક્ત કર્યો છે તે જણાવતા હું નમ્ર છું. GPSCનું નેતૃત્વ કર્યું હતું આ તક એ કામનું વિસ્તરણ છે. મારા જીવનની આ મહત્વની ક્ષણે હું વડાપ્રધાન નરેન્દ્ર મોદીનો હૃદયપૂર્વક આભાર માનું છું જેમણે મને મારી સમગ્ર સફરમાં માર્ગદર્શન આપ્યું છે. વધુમાં લખ્યું છે કે, હું અતૂટ સમર્પણ અને ઇમાનદારી સાથે આપણા રાષ્ટ્રની પ્રગતિમાં પૂરા દિલથી યોગદાન આપવા માટે તૈયાર અને ઉત્સાહી છું.

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

UPSC ચેરમેન ડો મનોજ સોની છે
અત્રે જણાવીએ કે, અત્યારે યુનિયન પબ્લિક સર્વિસ કમિશન (UPSC)ના ચેરમેન પદ પર પણ એક ગુજરાતી વ્યક્તિ છે.  ડો મનોજ સોની UPSCના ચેરમેન છે.  UPSCના સભ્યનો સમયગાળો છ વર્ષ અથવા 65 વર્ષની ઉંમર હોય છે. 

વિદ્યુત બિહારી સ્વૈન UPSCના સભ્ય
અત્રે જણાવીએ કે, દિનેશ દાસા પહેલા ગુજરાતમાં ફરજ બજાવી ચુકેલા વિદ્યુત બિહારી સ્વૈનની UPSCના સભ્ય તરીકે નિમણૂક થઈ હતી. 1989થી 2018ની વચ્ચે સ્વૈને ગુજરાતમાં જિલ્લા અને રાજ્ય સ્તરે વિવિધ હોદ્દા પર સેવા આપી હતી.