VIDEO / જબલપુરમાં PM મોદીના રોડ-શૉમાં બની દુર્ઘટના, ઓવરલોડ થતાં તૂટ્યું સ્ટેજ, જુઓ શું બન્યું

લોકસભા ચૂંટણી 2024ને ધ્યાનમાં રાખીને તમામ રાજકીય પક્ષો પોતાના ઉમેદવારોના પ્રચારમાં વ્યસ્ત છે.  દરમ્યાન વડાપ્રધાન નરેન્દ્ર મોદીએ રવિવારે જબલપુરમાં રોડ શો કર્યો હતો. આ દરમિયાન ગોરખપુર વિસ્તારમાં પીએમ મોદીની એક ઝલક મેળવવા માંગતા લોકોની ભીડથી ભરેલા બે સ્ટેજ તૂટી ગયા, જેના કારણે સ્ટેજ પર હાજર લોકો નીચે પડી ગયા. આ અકસ્માતમાં લોકોની સાથે કેટલાક પોલીસકર્મીઓ પણ ઘાયલ થયા છે. જો કે કોઈને ગંભીર ઈજા થઈ ન હતી. પીએમ મોદીની એક ઝલક મેળવવા માટે ક્ષમતા કરતા વધુ લોકો સ્ટેજ પર ચઢી ગયા હતા. જોકે, પોલીસે તેમને સમજાવવાના પ્રયાસો ચાલુ રાખ્યા હતા. પરંતુ લોકો જબરદસ્તી સ્ટેજ પર ચઢતા રહ્યા અને તે પછી આ અકસ્માત થયો.

VIDEO | Several people were injured after a stage collapsed during PM Modi’s roadshow in Jabalpur earlier today. The injured were taken to the hospital. More details are awaited. pic.twitter.com/MaKCot5cYQ

— Press Trust of India (@PTI_News) April 7, 2024

 

આ પણ વાંચોઃ VIDEO : કોંગ્રેસ નેતાએ સભામાં છોકરી પાસે કરાવ્યો અશ્લિલ ડાન્સ, ડોસા પણ નાચવા લાગ્યાં

પીએમ મોદીની એક ઝલક મેળવવા માટે લોકોની ભારે ભીડ 

પીએમ મોદીના રોડ શો દરમિયાન લોકો મોટી ઈમારતોની બાલ્કનીઓ અને ટેરેસમાંથી ડોકિયું કરતા જોવા મળ્યા હતા.સમગ્ર રોડ શોના માર્ગ પર અનેક સ્ટેજ બનાવાયા હતા ..આ સ્ટેજ પર સ્થાન મેળવી વડાપ્રધાનની એક ઝલક મેળવવા લોકોએ પડાપડી કરી હતી ..કેટલાક લોકો વડાપ્રધાનની આરતી ઉતારતા જોવા મળ્યા હતા. તો કેટલાક તેમના પર પુષ્પવર્ષા કરી રહ્યા હતા 

Waah Jabalpur Gajab tight Mahaul 🔥🔥😻 pic.twitter.com/ftecyfXhGW

— Lala (@Lala_The_Don) April 7, 2024

લગભગ પોણો કલાક પછી જબલપુરના કટંગાથી શરૂ થયેલ પીએમ મોદીનો રોડ શો સમાપ્ત થયો. અંતે પીએમ મોદી રથમાંથી નીચે ઉતર્યા અને પાર્ટીના નેતાઓ સાથે એરપોર્ટ જવા રવાના થયા.પીએમ મોદીના રોડ શોમાં ભાજપના કાર્યકરો અને લોકોની મોટી ભીડ જોવા મળી હતી. લોકોના હાથમાં ભાજપનો ઝંડો, ચૂંટણી પ્રતીક કમળના કટઆઉટ અને પીએમ મોદીના કટઆઉટ જોવા મળ્યા હતા.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો