ખેતીવાડી / કચ્છડો બારે માસઃ કચ્છમાં ખારેક, કેરી, કાજુ  બાદ હવે ડ્રેગન ફ્રુટની સફળ ખેતી

• ખારેક, દાડમ, પપૈયા, આંબા સહીતના વિવિાધ બાગાયતી પાકો સાથે ડ્રેગન ફ્રુટની એન્ટ્રી
• 400 એકરથી વધુમાં આ વખતે ડ્રેગન ફ્રુટનું વાવેતર
• કચ્છની ખારેક અને કેસર કેરીની છે નામના

કચ્છમાં બાગાયતી પાકોનો ફાલ સારો આવે છે. ખેડૂતોની આગવી સુઝને કારમે કચ્છની ખારેક અને આંબાવાડીયાઓની કેરીઓ દેશદવિદેશમાં પ્રખ્યાત બની છે ત્યારે આ સુકી જમીન ઉપર આંબાવાડીયાઓની જેમ જ ડ્રેગન ફ્રુટની વાડીઓ બની રહી છે. 400થી વધુ એકમાં કચ્છના ખેડૂતોએ ડ્રેગનફ્રુટનું સફળ વાવેતર કર્યુ છે. 
 
 

ખારા પાટામાં રોકડિયા પાક અસંભવ

કચ્છમાંની જમીન આમે સુક્કી ભટ્ટ છે એવામાં પાણીની તો વાત જ થાય તેમ નથી. રોકડિયા પાક તો અહીંના ખેડૂતો માટે સપના સમાન છે ત્યારે ખેડૂતો હવે બાગાયતી ખેતી તરફ વળ્યા છે. કચ્છના રણની જગ્યાએ એક સમયે દરિયો હશે એટલી અહીં ખારો પાટો છે જેને લીધે જમીનમાં ક્ષારનું પ્રમાણ ખુબજ છે. એટલે જ અહીંના ખેડૂતો ખારેકની ખેતી બાદ આંબાવાડિયામાં સફળતા મેળવી છે અને હવે વધુ નફો રળી આપનાર ડ્રેગન ફ્રુટની ખેતી કરી રહ્યા છે.   

બાગાયતી ખેતીમાં ડ્રેગન ફ્રુટનો પ્રવેશ

કચ્છમાં હાલમાં ખારેક, દાડમ, પપૈયા, આંબા સહીતના વિવિાધ બાગાયતી પાકોનું વાવેતર 50,000થી વધુ હેકટરમાં થાય છે. ખારેક, પપૈયા, કાજુ, વુડન ટ્રી, સાગવાન, ચંદન સહિતના વાવેતરમાં ખેડૂતોને સફળતા મળી છે. જેને પગલે હાલ સૌથી મોંઘા મળતા ડ્રેગન ફ્રુટનું વાવેતર કચ્છમાં પ્રાયોગિક ધોરણે કરવામાં આવ્યું હતુ જે સફળ થતાં અન્ય ખેડૂતોએ પણ આ ફળની ખેતી તરફ ઝુકાવ વધાર્યો છે પરીણામે આ વર્ષે 400 એકરાથી વધુ વિસ્તારમાં ડ્રેગન ફળનું વાવેતર કરવામાં આવ્યું છે. 

ક્યાં ક્યાં થાય છે આ ફળની ખેતી

ભુજ તાલુકાના માનકુવા, કોડકી, નારાણપર, માધાપર, કેરા, ફોટડી, અંજાર, અબડાસા, માંડવી, મુંદ્રા, નખત્રાણા, ભચાઉ, રાપર સહિતના તાલુકાઓમાં ડ્રેગન ફ્રુટની ખેતી થવા લાગી છે. હાલમાં બજારમાં આ ફળના ભાવો વધુ છે. 

ખાસ ટેક્નીકથી થાય છે ડ્રેગનફ્રુટની ખેતી

ડ્રેગન ફ્રુટ વેલાની માફક છોડ ઉપર ચડતો હોવાથી ફળની ગોઠવણી વાવેતર સમયે ખાસ ટેકનીકથી કરવી પડે છે. આ માટે ખાસ ફ્રેમ બનાવીને તેની આસપાસ વાવેતર કરાય છે. આમ વાવેતર સમયે રોકાણ વધી જતું હોવાથી ખેડુતોએ ડ્રેગનફ્રુટનું વાવેતર કરતા પહેલા સો વાર વિચાર કરવો પડે છે. ડ્રેગન ફ્રુટના ફળ સફેદ તાથા ગુલાબી હોય છે. લોકો ગુલાબી પર પસંદગી ઉતારતા હોય છે તેાથી તેની માંગ વધુ છે. હવે તો કચ્છની કેસર કેરીની જેમ ડ્રેગન ફળની નિકાસ પણ કચ્છ બહાર ખેડુતો કરી રહ્યા છે.

આલેખન: Gayatri Joshi