- તણાવ મગજ અને શરીર પર નકારાત્મક અસર કરે છે
- ઘણીવાર તે ડિપ્રેશનમાં પણ ફેરવાઇ જાય છે
- ડિપ્રેશનથી બચવાના ઉપાયો આજે જ અજમાવો
સામાન્ય રીતે તણાવ જ્યારે હાવી થઇ જાય ત્યારે તે મગજ અને શરીર પર નકારાત્મક અસર કરે છે. સામાન્ય તણાવ અથવા સ્ટ્રેસ જીવનનો એક હિસ્સો જ હોય છે. આપણે જ્યારે સામાન્ય સ્ટ્રેસ અનુભવીએ છીએ ત્યારે આપણે પોતાનું કાર્ય કરી શકીએ છે ને કામ કરતી વખતે ઉત્સાહ પણ જળવાઇ રહે છે, પરંતુ આ તણાવ અનિયંત્રિત થઇ જાય છે ત્યારે આ આપણા મગજ અને શરીર પર નકારાત્મક અસર કરે છે અને ઘણીવાર તે ડિપ્રેશનમાં પણ ફેરવાઇ જાય છે. આ ગંભીર બીમારીને સમય રહેતાં કાબૂમાં ન રાખવામાં આવે તો કોઇ પણ વ્યક્તિ પોતાનો જીવ પણ ગુમાવી શકે છે. હવે તો ડિપ્રેશનની સારવાર શક્ય બનવા લાગી છે.
ડિપ્રેશનથી બચવાના ઉપાયો આજે જ અજમાવો
- ડિપ્રેશનના દર્દીએ ભરપૂર પ્રમાણમાં પાણી પીવું જોઇએ તથા એવાં ફળ અને શાકભાજીનું વધારે સેવન કરવું જોઇએ, જેમાં પાણીનું પ્રમાણ વધારે હોય.
- બિટનું નિયમિત સેવન કરો, તેમાં પૂરતા પ્રમાણમાં પોષક તત્ત્વો, જેવાં કે વિટામિન, ફોલેટ, મેગ્નેશિયમ વગેરે માનવીના મગજમાં ન્યૂરોટ્રાન્સમીટર્સની જેમ કામ કરે છે, જે ડિપ્રેશનના દર્દીનો મૂડ બદલવાનું કામ કરે છે.
- ભોજનમાં સલાડના રૂપમાં ટામેટાંનું સેવન કરો. ટામેટાંમાં લાઇકોપિન નામનું એિન્ટ-ઓક્સિડેન્ટ છે, જે ડિપ્રેશન સામે લડવામાં મદદરૂપ બને છે. અઠવાડિયામાં ચારથી છ વાર ટામેટાં ખાય છે તેમનામાં ઓછું ડિપ્રેશન જોવા મળે છે.
- જંક ફૂડનું સેવન સમગ્ર રીતે છોડી દેવું આવશ્યક છે.
- હેલ્થ એક્સ્પર્ટ માને છે કે ડિપ્રેશન વખતે લાલ અથવા ઓરેન્જ કલર આંખ અને મગજને રાહત આપે છે એટલા માટે ઘરની દીવાલને આ બંને કલરથી પેઇન્ટ કરવી જોઈએ.
- પ્રાકૃતિક સૌંદર્યનો નજીકથી અનુભવ કરવા પર માનસિક થાક દૂર થાય છે. ડિપ્રેશનની સમસ્યાથી છુટકારો મેળવવા માટે આ ખૂબ જ અસરકારક ઉપાય છે.
- બંધ રૂમમાં વ્યક્તિનું મન વધારે મૂંઝાય છે. એટલા માટે ઘરના રૂમમાં બારીઓ મોટી હોવી જોઇએ, જેથી તમે દરરોજ સવારે ઊઠીને સૂર્યપ્રકાશ અને હવાની તાજગીનો અનુભવ કરી શકો.
