તાનાશાહ / ઉત્તર કોરિયાના શાસક કિંમ જોંગની ક્રૂરતા, હાડ થિજવતી ઠંડીમાં પોતાનું ભાષણ સાંભળવા હજારો લોકોને ઊભા રાખ્યા

• તાનશાહની વધુ એક તાનાશાહી સામે આવી
• ઠંડીમાં લોકોને ઉભા રાખ્યા
• ફૂલ ન ખિલતા માળીઓને જેલ ભેગા કરી દીધા

તાનાશાહ કહેવાતા ઉત્તર કોરિયાના શાસક કિમ જોંગ ઉનની ક્રૂરતાના કાંડ કોઈના છુપાયેલા નથી. હંમેશા તેમના કારનામા ચર્ચામાં રહેતા હોય છે. ફરી એક વાર ઉત્તર કોરિયાના આ ક્રૂર શાસકની બર્બરતાએ તમામ હદો પાર કરતી ઘટનાને અંજામ આપ્યો છે. હકીકતમાં જોઈએ તો, તાનાશાહ કિમ જોંગ ઉને પોતાના પિતા કિમ જોંગ-ઈલની 80મી જયંતિ પર કેટલાય કાર્યક્રમોનું આયોજન કર્યું હતું. આ દરમિયાન ઉત્તર કોરિયાના સૈમજિયન શહેરમાં પડી રહેલી કડકડતી ઠંડી વચચ્ચે દેશની હજારો જનતાને તાનાશાહ કિમના પિતા જોંગ ઈલની પ્રતિમા સામે ઉભા રહીને દેશના નેતા દ્વારા વખાણમાં આવેલા કિસ્સા સાંભળવા પડ્યા હતા.

હાડ થિજવી નાખતી ઠંડીમાં લોકોને ભાષણ સાંભળવા ઉભા રાખ્યા

એટલુ જ નહીં હાડ થિજવી નાખતી ઠંડી હોવા છતાં પણ કેટલાય મોટા કલાકારો ઠંડા પાણીની અંદર ઉતરીને પરફોર્મેંસ આપવું પડ્યું હતું. પ્રાપ્ત જાણકારી અનુસાર આ સમગ્ર કાર્યક્રમ દરમિયાન જે જગ્યા પર કિમ બેઠા હતા. ત્યાં વિજળીના તાર જોવા મળ્યા, જેને હિટર હોવાનું કહેવાય છે. જેનો અર્થ એ થાય છે કે, કિમ પોતે ઠંડીમાં હિટરની વચ્ચે બેઠા હતા જ્યારે હજારોની સંખ્યામાં જનતાને ઠંડીમાં ઉભા રાખીને ભાષણ સાંભળવા મજબૂર કર્યા હતા.

ફુલ ખિલ્યા નહીં તો નારાજગી

આપને જણાવી દઈએ કે, આ અગાઉ તેમના પતિ કિમ જોંગ લિયા બોગોનિયા ફૂલ નહીં ખિલવાથી નારાજ થઈ જતાં ફુલની દેખરેખ રાખતા માળીઓનો લેબર કેંમ્પમાં મોકલી દેવામાં આવ્યા હતા. લેબર કેંપ એક રીતે જેલ જ છે. કિમ જોંગ ઉનના પિતા કિમ જોંગ ઈલનું મોત 2011માં થયું હતું. તે પોતાના પિતાના યાદમાં કિમ દર વર્ષે આ દિવસે ડે ઓફ શાઈનીંગ સ્ટાર કાર્યક્રમનું આયોજન કરતા આવે છે.