Diamond League Final / નીરજ ચોપરા માત્ર 0.44 સેમીથી ચૂકી ગયા ડાયમંડ લીગ ટ્રોફી, સિલ્વર મેડલથી માનવો પડ્યો સંતોષ

• નીરજ ચોપરાએ ડાયમંડ લીગ 2023ની ફાઇનલમાં સિલ્વર મેડલ જીત્યું 
• નીરજે તેના બીજા પ્રયાસમાં 83.80 મીટરનો થ્રો કર્યો હતો
• ચેક રિપબ્લિકના જાકુબ વાદલેચે જીત્યો ગોલ્ડ 

ભારતનો સ્ટાર જેવલિન થ્રોઅર નીરજ ચોપરાએ ડાયમંડ લીગ 2023ની ફાઇનલમાં બીજું સ્થાન મેળવીને સંતોષ માનવો પડ્યો છે. નીરજે તેના બીજા પ્રયાસમાં 83.80 મીટરનો થ્રો કર્યો હતો. આ ફાઇનલમાં નીરજનો આ સર્વશ્રેષ્ઠ સ્કોર હતો. જો કે આ સ્કોર સાથે તેને પોતાની ડાયમંડ લીગ ટ્રોફી ગુમાવવી પડી હતી. ચેક રિપબ્લિકના જાકુબ વાદલેચે તેના છેલ્લા પ્રયાસમાં 84.27 મીટરનો થ્રો કરીને પ્રથમ સ્થાન હાંસલ કર્યું અને ટ્રોફી જીતી. આ સિવાય ફિનલેન્ડનો ઓલિવર હેલેન્ડર 83.74 મીટર સાથે ત્રીજા ક્રમે રહ્યો હતો.

Kudos to @Neeraj_chopra1 on finishing 2nd at the Diamond League Final 2023 with the best throw of 83.80m!

The World and Olympic Champion Neeraj has consistently showcased his mettle and resilience, setting benchmarks for Indian Athletics.

I wish him all the best for the… pic.twitter.com/mfN6f5HBFZ

— Anurag Thakur (@ianuragthakur) September 17, 2023

ડાયમંડ લીગની ફાઇનલમાં નીરજ ચોપરા સંપૂર્ણપણે લયમાં દેખાતો ન હતો અને બે પ્રયાસોમાં તેનો સ્કોર ખાલી રહ્યો હતો. બાકીના ચાર પ્રયાસોમાં તેને ફક્ત બીજા પ્રયાસમાં 83.80 મીટરનો થ્રો કર્યો હતો. જ્યારે જાકુબ વાદલેચે તેના પહેલા જ પ્રયાસમાં 84.1 મીટરનું અંતર હાંસલ કરીને લીડ મેળવી હતી. આ પછી, તેણે છઠ્ઠા પ્રયાસમાં 84.27 મીટરનું અંતર હાંસલ કરીને પ્રથમ સ્થાન હાંસલ કર્યું.

નીરજ પોતાનું ટાઈટલ બચાવી શક્યો નહોતો
નીરજ ચોપરાને તેના ડાયમંડ લીગ ટાઈટલનો બચાવ કરવાની તક મળી હતી. જો આવું થયું હોત તો નીરજ આ સિદ્ધિ મેળવનાર વિશ્વનો ત્રીજો જેવલિન થ્રોઅર બની ગયો હોત. માત્ર ચેક રિપબ્લિકના વિટેઝસ્લાવ વેસેલી (2012 અને 2013) અને જાકુબ વાદલેચે (2016 અને 2017) ડાયમંડ લીગ આવું કરી શક્યા છે. નીરજ ગયા વર્ષે સપ્ટેમ્બરમાં જ્યુરિખમાં ડાયમંડ લીગની ફાઈનલ જીતવામાં સફળ રહ્યો હતો.

Wanda Diamond League Final 2023 💎 pic.twitter.com/CEs2hubFwM

— Neeraj Chopra (@Neeraj_chopra1) September 16, 2023

ડાયમંડ લીગ 2023માં નીરજનું પ્રદર્શન
નીરજ ચોપરાએ ડાયમંડ લીગ 2023માં જોરદાર પ્રદર્શન કર્યું હતું. નીરજે દોહા ડાયમંડ લીગમાં 88.67 મીટર દૂર થ્રો કર્યો હતો. આ સિવાય તેણે લુઝાન ડાયમંડ લીગમાં 87.66 મીટરનો થ્રો કર્યો હતો. તે ઝુરિચમાં ડાયમંડ લીગમાં 85.71 મીટરના થ્રો સાથે બીજા ક્રમે રહ્યો હતો, જ્યારે યુજેન ડાયમંડ લીગની ફાઇનલમાં તેનો સ્કોર 83.80 મીટર હતો.

Neeraj Chopra will finish his career as the GOAT athletes India has ever produced.

Congratulations #NeerajChopra on finishing 2nd rank in Diamond league final.#DiamondLeagueFinal pic.twitter.com/NIFWUbWF64

— Saurabh Singh (@100rabhsingh781) September 17, 2023

ફાઇનલમાં તમામ ખેલાડીઓનો શ્રેષ્ઠ સ્કોર
1. જાકુબ વાદલેચે (ચેક રિપબ્લિક) - 84.24 મીટર
2. નીરજ ચોપરા (ભારત) - 83.80 મીટર
3. ઓલિવર હેલેન્ડર (ફિનલેન્ડ) - 83.74 મીટર
4. એન્ડ્રિયન માર્ડારે (મોલ્ડોવા) - 81.79 મીટર
5 કર્ટિસ થોમ્પસન (યુએસએ) - 77.01 મીટર
6. એન્ડરસન પીટર્સ (ગ્રેનાડા) - 74.71 મીટર