Health Tips / શું દવા કે ઇન્સ્યુલિનથી પણ કાબુમાં નથી આવી રહ્યું બ્લડ સુગર લેવલ? તો અપનાવો આ 5 ઉપાય

• ડાયાબિટીસના દર્દીઓ માટે ઘરગથ્થુ ઉપાય
• કંટ્રોલમાં નથી આવી રહ્યું બ્લડ સુગર લેવલ?
• તો અપનાવો આ 5 ઉપાય

બ્લડમાં શુગરનું પ્રમાણ વધી જવાના કારણે ડાયાબિટીસની બીમારી થાય છે. ડાયાબિટીસનો કોઈ ઈલાજ નથી તેને ફક્ત કંટ્રોલ કરી શકાય છે. ડાયાબિટીસ થવા પર ઘણી સમસ્યાઓ થાય છે જેવી કે, કમજોરી, થાક, વારંવાર પેશાબ આવવો, ઈજા થવા પર જલ્દી રૂજ ન આવવું વગેરે થવા લાગે છે. 

બ્લડમાં વધતા શુગરને કંટ્રોલ કરવા માટે દવાઓ અને ઈંસુલિનના ઈંજેક્શનનો સહારો લેવામાં આવે છે. ઘણી વખત ઈંસુલિન લીધા બાદ પણ બ્લડ શુગર ઓછુ નથી થતું. એવામાં તમે ઘણા ઘરેલુ ઉપાયો કરીને શુગરને કંટ્રોલ કરી શકો છો. આવો ડાયાબિટીસ કંટ્રોલ કરવાના આ ઘરેલુ ઉપાયો વિશે જાણીએ. 

ડાયાબિટીસને કંટ્રોલ કરશે આ ઉપાય 

એક્સરસાઈઝ 
બ્લડમાં શુગરનું લેવલ વધારે જલ્દી વધી ગયું છે તો પોતાના ડેલી રૂટીનમાં એક્સરસાઈઝને શામેલ કરીને તેને કાબુ કરી શકાય છે. તેના માટે વોકિંગ, જોગિંગ અને સ્વિમિંગ કરી શકાય છે. ટેનિસ કે બેડમિંટન જેવી એક્ટિવ ગેમ્સથી પણ ડાયાબિટીસને ઓછુ કરી શકાય છે. 

યોગ
શુગર લેવલ કંટ્રોલમાં રાખવા માટે યોગાસન પણ ખૂબ જ ફાયદાકારક હોય છે. ધનુરાસન, પ્રાણાયામ અને શવાસન કરવું ડાયાબિટાસ માટે ફાયદાકારક છે. દવાઓ અને ઈંસુલિન લીધા બાદ પણ શુગર વધી રહ્યું છે તો યોગથી ફાયદો મળી શકે છે. 

લીમડો 
લીમડાના કડવા પાન ડાયાબિટીસ માટે ખૂબ જ ફાયદાકારક હોય છે. લીમડાના પાનમાં ઘણા એવા ગુણ હોય છે જે બ્લડ શુગર લેવલને ઓછુ કરે છે. ડાયાબિટીસને ઓછુ કરવા માટે તમે લીમડાના પાનના પાઉડરનું પણ સેવન કરી શકો છો. લીમડાના પાનને સુકવ્યા બાદ તેને પીસીને તેના પાઉડરનું દિવસમાં 2 વખત સેવન કરવાથી બ્લડ શુગર કંટ્રોલ કરવામાં મદદ મળે છે. 

કારેલાનો જ્યુસ 
સવારે કારેલાનો જ્યુસ પીને તમે ડાયાબિટીસથી બચી શકો છો. કારેલાનો જ્યુસ પીવાથી બ્લડ શુગર લેવલ કંટ્રોલમાં રહે છે. આ શરીરમાં ઈંસુલિનને એક્ટિવ કરે છે જેનાથી ડાયાબિટીસ કંટ્રોલ કરવામાં મદદ મળી શકે છે. 

જાંબુ 
જાંબુ ખાવા પણ શુગરના દર્દીઓ માટે ફાયદા છે. જાંબુની સાથે જ તેની ગોટલીઓ ખૂબ જ ફાયદાકારક છે. જાંબુની ગોટલીને સુકવીને તેનો પાઉડર બનાવી લો સવાર-સાંજ બે-બે ચમચી પાઉડર હુંફાળા પાણી સાથે લો. આમ કરવાથી ડાયાબિટીસ ઓછુ થઈ જાય છે.