ગંભીર ગુનો / છોકરીઓમાં આવું જોવા મળે તો ચેતી જજો, દિલ્હીની સ્કૂલમાં બાળકી સાથે બન્યું એવું કે કંપી ઉઠ્યા વાલીઓ

• સ્કૂલોમાં રેપની ઘટનાઓ વધી રહી હોવાથી વાલીઓએ એલર્ટ થઈ જવાની જરુર
• દિલ્હીની સ્કૂલમાં રમતના શિક્ષકે 8 વર્ષની બાળકી પર કર્યો રેપ
• શારીરિક અડપલાં પણ કરતો હતો
• ગુમસૂમ રહેલી બાળકીની પૂછપરછ કરતાં નરાધમનો કાંડ બહાર આવ્યો
• નરાધમની પત્ની પણ આ જ સ્કૂલે છે શિક્ષિકા 

સ્કૂલે જતી છોકરીઓમાં જો કોઈ અસમાન્ય વ્યવહાર જોવા મળે તો વાલીઓએ ચેતી જવાની જરુર છે, આવી સ્થિતિમાં તેની સાથે કંઈ પણ અઘટિત થયું હોઈ શકે છે. દિલ્હીની એક સ્કૂલમાં આંખ ઉઘાડતો કિસ્સો સામે આવ્યો છે. દિલ્હીના ન્યૂ અશોક નગરની એક મ્યુનિસિપલ સ્કૂલમાં સ્પોર્ટ્સ ટીચરે આઠ વર્ષની એક બાળકી પર કથિત રીતે રેપ કર્યો હતો. છેલ્લા ત્રણ-ચાર દિવસથી પોતાની 8 વર્ષની બાળકી ઉદાસ અને ગુમસૂમ રહેતા માતાપિતાને શંકા પડી હતી અને તેને અનેક વાર પૂછ્યું કે શું થયું, ઘણી પૂછપરછ બાદ છોકરીએ બનેલું કહી સંભળાવ્યું હતું જે સાંભળીને માતાપિતા કંપી ઉઠ્યાં હતા. બાળકીએ તેના માતાપિતાને જણાવ્યું કે તેના સ્પોર્ટ્સ ટીચર તેની સાથે શારીરિક અડપલાં કરે છે અને તેની સાથે રેપ પણ કર્યો છે. પરિવારજનોની ફરિયાદ બાદ પોલીસે યુવતીની મેડિકલ તપાસ કરાવી કાઉન્સેલિંગ કરાવ્યું હતું. 

આરોપી ટીચર સામે પોક્સો એક્ટ હેઠળ ગુનો 
આ કેસમાં પોલીસે બળાત્કાર, જાનથી મારી નાખવાની ધમકી અને પોક્સો એક્ટ હેઠળ કેસ નોંધ્યો છે. આ કેસમાં સ્કૂલના સ્પોર્ટ્સ ટીચરની ધરપકડ કરવામાં આવી છે. પોલીસે જણાવ્યું કે પીડિતાના પરિવારે બળાત્કારની ફરિયાદ કરી હતી. 

આરોપી શિક્ષકની પત્ની પણ પીડિતાની સ્કૂલમાં ટીચર 
આ કેસની તપાસ દરમિયાન પોલીસને ખબર પડી કે આરોપી શિક્ષક 15 વર્ષથી કામ કરે છે. તેમની પત્ની પણ નિગમની શાળામાં શિક્ષિકા છે અને તેમને બે બાળકો પણ છે. પોલીસે ગુનો નોંધી આરોપી શિક્ષકની ધરપકડ કરી છે. પોલીસ તેની પૂછપરછ કરી રહી છે અને તે જાણવાનો પ્રયાસ કરી રહી છે કે તેણે વધુ કેટલી છોકરીઓએ આવું કૃત્ય કર્યું છે.