- ગુજરાતના સિનિયર અધિકારીઓ વાઇબ્રન્ટ ગુજરાતનું આમંત્રણ આપવા વિદેશ પ્રવાસે
- વાઇબ્રન્ટ ગુજરાતમાં વિદેશી કંપનીઓને આમંત્રણ આપવા ડેલિગેશન વિદેશ પ્રવાસે
- અમેરિકા, ઇટલી, સિંગાપોર સહિતના દેશોમાં પહોંચ્યા ગુજરાતના અધિકારીઓ
વાઈબ્રન્ટ સમિટ 2024 માટે અત્યારે જોરશોરથી તૈયારીઓ ચાલી રહી છે. વાઈબ્રેન્ટ સમિટ-2024નું મોટા પાયે આયોજન કરવામાં આવી રહ્યું છે.. મોટાપાયે ડેલિગેશન, નામી કંપનીઓ મૂડી રોકાણ માટે આવે તે માટે સરકાર દ્વારા તમામ પ્રકારના પ્રયત્ન કરવામાં આવી રહ્યાં છે. ત્યારે ગુજરાતના સિનિયર અધિકારીઓ વાઈબ્રન્ટ ગુજરાતનુ આમંત્રણ આપવા માટે વિદેશ પ્રવાસે નીકળ્યા છે.
વિદેશ પ્રવાસ દરમિયાન વિવિધ MOU અને રોકાણ પર કરાઇ ચર્ચા
મળતી માહિતી મુજબ શ્રમ અને રોજગાર વિભાગના અધિક મુખ્ય સચિવ ડો.અંજુ શર્માની આગેવાની એક એ ડેલિગેશન સિંગાપોર પહોંચી ગયું છે. જ્યાંથી તેઓ ઓસ્ટ્રેલિયા જશે.ગુજરાતના અધિકારીઓ વિદેશી કંપનીઓને આમંત્રણ આપવા માટે અલગ અલગ કન્ટ્રી પહોંચી ગયા છે.
અગ્ર સચિવ જે. પી. ગુપ્તા અમેરિકા પ્રવાસે, અંજુ શર્મા સિંગાપોર પ્રવાસે
ગુજરાતના અધિકારીઓ અત્યારે અમેરિકા, ઇટલી, સિંગાપોર સહિતના દેશોમાં પહોંચ્યા છે. જ્યાં વિદેશ પ્રવાસ દરમિયાન વિવિધ MOU અને રોકાણ પર ચર્ચા કરવામાં આવી રહી છે.. અગ્ર સચિવ જે. પી. ગુપ્તા અમેરિકા પ્રવાસે છે.. તો અંજુ શર્મા સિંગાપોર પ્રવાસે છે.. જ્યારે GIDCના MD રાહુલ ગુપ્તા ઇટલીમાં કંપનીઓને આમંત્રણ આપશે.
GIDCના MD રાહુલ ગુપ્તા ઇટલીમાં કંપનીઓને આપશે આમંત્રણ
આ સનદી અધિકારીઓ ગુજરાત સરકારની ઔદ્યોગિક નીતિઓ, ભાવિ તકો વિશે વિગતવાર જાણકારી આપશે. ઉચ્ચ પ્રકારની ટેકનોલોજી અને તેને લગતા ઉદ્યોગો ગુજરાતમાં આવે તેના પર વિશેષ ધ્યાન કેન્દ્રીત કરવામાં આવી રહ્યું છે.. ત્યારે હવે સૌ કોઈ વાઈબ્રન્ટ સમિટ 2024નું સૌ કોઈ આતુરતાથી રાહ જોઈ રહ્યું છે.આ વખતે વાઈબ્રન્ટ સમિટ 2024ની થીમ ગેટવે ટુ ધ ફ્યુચર નામની થીમ રાખવામાં આવી છે.
