BIG NEWS / સરકારી ભરતીના ઉમેદવારો માટે ગુડ ન્યૂઝ, જાતિ પ્રમાણપત્રને લઈ ગૌણ સેવાએ લીધો હિતકારી નિર્ણય, નહીં જોવી પડે રાહ

• સરકારી ભરતીના ઉમેદવારો માટે સારા સમાચાર 
• જાતિના પ્રમાણપત્ર તપાસ પહેલા જ ઉમેદવારી પત્ર ફાળવણી 
• અગાઉ જાતિ પ્રમાણપત્રની ચકાસણીના કારણે ઉમેદવારોને જોવી પડતી હતી રાહ

સરકારી ભરતીના ઉમેદવારોને લઈ સારા સમાચાર સામે આવ્યા છે. ઉમેદવારોની જાતિ પ્રમાણપત્રની ચકાસણીના કારણે નોકરીમાં હવે રાહ નહી જોવી પડે. જે ગૌણ સેવા પસંદગી મંડળે ઉમેદવારોના હીતમાં નિર્ણય લીધો છે.

ગૌણ સેવા પસંદગી મંડળનો ઉમેદવારોના હિતમાં નિર્ણય
ગૌણ સેવા પસંદગી મંડળે ઉમેદવારોના હિતમાં નિર્ણય લીધો છે. જેમાં જાતિના પ્રમાણપત્રની તપાસણી પહેલા જ ઉમેદવારીપત્ર ફાળવણી કરવાનો નિર્ણય લેવામાં આવ્યો છે.  બિન સચિવાલય ક્લાર્ક તથા ઓફિસ આસિસ્ટન્ટની 3901 ઉમેદવારોને નિમણુંક પત્રો સોંપાયા છે. ઉમેદવારોના નિમણુંકની સાથે જ મંડળ દ્વારા જાતિ પ્રમાણપત્રની ચકાસણી કરવામાં આવશે. અગાઉ જાતિ પ્રમાણપત્રની ચકાસણીના કારણે ઉમેદવારોને રાહ જોવી પડતી હતી. આદિજાતિ વિસ્તારોના ઉમેદવારોને પડતી મુશ્કેલીઓ દૂર કરવાનો આ એક મહત્વપૂર્ણ પ્રયાસ કરાયો છે.  મંડળ દ્વારા ઉમેદવારોને શરતી નિમણુંકના કારણે ઉમેદવારોને લાભ થશે..

લેખિત, કોમ્પ્યુટર પરીક્ષામાં 5855 ઉમેદવારો લાયક ઠર્યા હતા
ગુજરાત સરકારના વિવિધ ખાતાની કચેરીઓ તેમજ મહેસુલ વિભાગના નિયત્રણ હેઠળની કચેરીઓમાં કારકુન અને સચિવાલયના વિવિધ વિભાગો માટે ઓફિસ આસીસ્ટન્ટ વર્ગ-3ની 3901 જગ્યા માટે ભરતી પ્રક્રિયા યોજાઈ હતી. જેમાં પ્રથમ તબક્કાની લેખિત અને સ્પર્ધાત્મક પરિક્ષા અને બીજા તબક્કાની કોમ્પ્યુટર પ્રોફિસીયન્સી ટેસ્ટને અંતે 5855 ઉમેદવારો લાયક ઠર્યા હતા.

પ્રમાણપત્રોની ચકાસણી બાદ યાદી જાહેર કરાઈ હતી
લેખિત અને કોમ્પ્પુટરમાં લાયક ઠરેલા 5855 ઉમેદવારોની પ્રમાણપત્રોની ચકાસણી માટેની યાદીએ ગૌણ સેવા પસંદગી મંડળે પોતાની વેબસાઈટ પર મુકી હતી. જેમાં પ્રમાણપત્રોની ચકાસણી પૂર્ણ થયા બાદ આજે તેમણે લાયક અને ગેરલાયક ઉમેદવારોની યાદી જાહેર કરી હતી