- રાજકોટમાં સાસુ-સસરાએ ઉતાર્યો પુત્રવધૂનો અશ્લીલ વીડિયો
- સાયબર ક્રાઇમ દ્વારા હોટેલ મેનેજરનું લેવાયું નિવેદન
- મેનેજરે હોટલમાં વિદેશી કોલગર્લ આવતી હોવાનું આપ્યું નિવેદન
રાજકોટમાં સમાજને શર્મસાર કરતી ઘટના સામે આવી હતી. જેમાં સાસુ-સસરા દ્વારા પુત્રવધુના પોર્ન વીડિયો ઉતારવાનો કિસ્સો સામે આવ્યા બાદ ચકચાર જાગી હતી. આ પ્રકરણમાં પોલીસે આરોપીને પકડી લીધા બાદ હાલ આરોપીઓ રિમાન્ડ હેઠળ છે. ત્યારે સાયબર ક્રાઇમ દ્વારા હોટેલ મેનેજરનું નિવેદન લેવામાં આવ્યું હતું.હોટલમાં વિદેશી કોલગર્લ આવતી હોવાનું મેનેજરે નિવેદન આપતા પોલીસ દોડતી થઈ છે. હોટેલ માલીક સામે મેનેજરે પોલીસ તપાસમાં ચોંકાવનારું નિવેદન આપ્યા બાદ હવે પોલીસ કોર્ટ સમક્ષ મેનેજરને સરકારી સાક્ષી બનાવશે.
શુ હતો સમગ્ર કેસ?
રાજકોટમાં પુત્રવધુના ન્યૂડ વીડિયો સાઇટ પર અપલોડ કરવાના ચકચારી કેસમાં મોટા ધડાકાભડાકા થયા છે. 21 વર્ષીય પરિણીતાએ પોતાના પતિ, સાસુ તેમજ સસરા વિરુદ્ધ રાજકોટ શહેર સાયબર ક્રાઇમ પોલીસ મથક ખાતે આઇપીસી 356 ડી, આઈટી એક્ટ, 114 હેઠળ પોલીસ ફરિયાદ નોંધાવી છે. પરિણીતાએ આરોપીઓ દ્વારા તેની સાથે સેક્સ્યુઅલ એક્સપ્લોશન, સેક્સ્યુઅલ એબેટમેન્ટ કરવામાં આવતું હોવાનો આરોપ મચતાં સનસની મચી હતી. રાજકોટના ભક્તિનગર વિસ્તારમાં રૂપિયા કમાવવાની લાલચમાં માવતર જ કમાવતર બન્યા હોવાના અનોખા કિસ્સાએ સમગ્ર શહેરમાં ચર્ચા જગાવી છે. રૂપિયા કમાવવાની લાલચે સાસુ-સસરાએ પુત્ર અને પુત્રવધૂના અંગત રીતે વીડિયો ઉતારી વેબસાઈટ પર મુકતા ખળભળાટ મચી ગયો છે. આરોપીઓ રિમાન્ડ હેઠળ છે.
કોલ ગર્લ મામલે કડી મળી
પુત્રવધુએ એવી પણ રાવ કરી હતી કે મેં ન્યૂડ વીડિયોની ના પાડતા સસરા મારા પર ગુસ્સે થયા હતા અને પરિવારને મદદ કરવાનું કહીને ઇમોશનલ બ્લેકમેઇલ કરી હતી. જેથી મેં હા પાડી હતી. બાદમાં પતિએ પણ સસરાની વાતનો ઇનકાર ન કરવા કહ્યું હતું. જો ના પાડીશ તો મારી નાખવાની ધમકી પણ આપી હતી. આરોપી સસરાએ કોલગર્લ પાસે વહુને જુદીજુદી એક્શનની તાલીમ લેવડાવી હતી. પરંતુ હવે પોલીસે કહ્યું કે કોલ ગર્લ અંગે પોલીસને કોઇ નક્કર કડી મળી નથી. જોકે હાલ મેનેજરે આ અંગે ખુલાસો કર્યો છે.
