અમરેલી / શેત્રુંજી નદીમાં કરોડોની ખનીજચોરી! કોંગ્રેસ નેતાનો CMને પત્ર, કહ્યું અધિકારીઓ સાથે....

• શેત્રુંજી નદીમાં કરોડોની ખનીજ ચોરી
• ખનીજ ચોરી અટકાવવા કોંગ્રેસની માગ
• કોંગ્રેસ નેતા પ્રતાપ દૂધાતની CMને રજૂઆત

ખનીજ ચોરી અટકાવવા મુદ્દે કોંગ્રેસ નેતા પ્રતાપ દૂધાતની માંગ

અમરેલીની શેત્રુંજી નદીમાં માફિયાઓ દ્વારા કરોડોની ખનીજ ચોરી થઇ રહી છે. આ કરોડોની ખનીજ ચોરી અટકાવવા મુદ્દે કોંગ્રેસ નેતા પ્રતાપ દૂધાતે પત્ર લખી મુખ્યપ્રધાન ભૂપેન્દ્ર પટેલને રજૂઆત કરી છે. પ્રતાપ દૂધાતે જણાવ્યું કે માફિયાઓની સરકારના અધિકારીઓ સાથે સાંઠગાંઠ છે. ખનીજ ચોરી અટકાવવા મુદ્દે કોંગ્રેસ તત્પર છે. તેમણે ઈકોઝોન વિસ્તારમાંથી ખનીજ ચોરીને અટકાવવા SITની માંગ કરી છે.

કુંભકર્ણ સરકારના પેટનુ પાણી હલતુ નથી: પ્રતાપ દૂધાત 

પ્રતાપ દૂધાતે જણાવ્યું કે ખનીજ માફિયાઓ બોગસ પાસ બનાવીને સરકારની કરચોરી કરી રહ્યાં છે. આખી શેત્રુંજી નદીમાં કરોડો રૂપિયાનુ ખનન થઇ રહ્યું છે ત્યારે તેની તપાસ માટે સરકાર સીટની રચના કરે. તાત્કાલિક પણે તેની પર પગલા ભરવામાં આવે. આ મુદ્દે છેલ્લાં 5 વર્ષમાં 50 વખત રજૂઆત કરી. પરંતુ કુંભકર્ણ સરકારના પેટનુ પાણી હલતુ નથી. સરકાર ફરી વખત જાગી ખનીજ માફીયાઓ પર તાત્કાલિક પગલા ભરે.