- ક્રિકેટર ડેવિડ મિલરે ગર્લફ્રેન્ડ કેમિલા હેરિસને કર્યું પ્રપોઝ
- મિલરે ઈન્સ્ટાગ્રામ પર કેમિલા સાથેના સુંદર ફોટા શેર કર્યા
- જાણો કોણ છે ડેવિડ મિલરનિ ગર્લફ્રેન્ડ કેમિલા હેરિસ
David Miller Girlfriend Camilla Harris : સાઉથ આફ્રિકાનો હેન્ડસમ હંક ક્રિકેટર ડેવિડ મિલર પણ ટૂંક સમયમાં તેના મિત્રોની જેમ પરિણીત લોકોની યાદીમાં સામેલ થશે. સાઉથ આફ્રિકાના ક્રિકેટર ડેવિડ મિલરે ગુરુવારે ગર્લફ્રેન્ડ કેમિલા હેરિસ સાથે તેની સગાઈની જાહેરાત કરી. મિલરે ઈન્સ્ટાગ્રામ પર કેમિલા સાથેના સુંદર ફોટા શેર કર્યા છે. તસવીરોમાં આ કપલ એકબીજાના પ્રેમમાં પાગલ દેખાઈ રહ્યું છે. તેણે ઘૂંટણિયે બેસીને તેની ગર્લફ્રેન્ડને પ્રપોઝ કર્યું તો એક તસવીરમાં ડેવિડ અને કેમિલાને કિસ કરતો નજર આવ્યો.
કેમિલા હેરિસ પોલો પ્લેયર છે
IPL 2023 દરમિયાન ભારત પ્રવાસ દરમિયાન કેમિલા હેરિસ તેના બોયફ્રેન્ડ માટે ચીયર કરતી જોવા મળી હતી. જણાવી દઈએ કે કેમિલા હેરિસ પણ ડેવિડ મિલર જેવી એક ખેલાડી છે. મિલર મેન્સ ક્રિકેટમાં સાઉથ આફ્રિકા અને IPLમાં ગુજરાત ટાઇટન્સનું પ્રતિનિધિત્વ કરે છે. હેરિસના ઇન્સ્ટાગ્રામ બાયો જણાવે છે કે તે પોલો પ્લેયર છે. હેરિસે તેના ઇન્સ્ટાગ્રામ પ્રોફાઇલ પર પોલો રમતા પોતાની કેટલીક તસવીરો શેર કરી છે. તેણે પોતાના ઘોડાઓ સાથે તસવીરો પણ ક્લિક કરી છે.
કેમિલા હેરિસ પણ બિઝનેસ કરે છે
હેરિસના ઇન્સ્ટાગ્રામ પર 13,000 થી વધુ ફોલોઅર્સ છે સાથે જ તેમ એમ પણ લખ્યું છે કે તે બિઝનેસ કરે છે. જોકે તેણીએ તેના વ્યવસાયની વિગતો શેર કરી નથી, હેરિસે લખ્યું છે કે તે અન્ય લોકોને પૈસા કમાવવામાં મદદ કરે છે. જણાવી દઈએ કે તેને કેટલીક ઈન્સ્ટાગ્રામ સ્ટોરી પણ અપલોડ કરી છે, જેમાં બ્યુટી પ્રોડક્ટ્સના ઓનલાઈન વેચાણ વિશે માહિતી આપવામાં આવી છે.
ઓસ્ટ્રેલિયન ટ્રીપની તસવીરો ઈન્સ્ટાગ્રામ પર શેર કરી
હેરિસે 2019માં પોલોક્રોસ વર્લ્ડ કપ માટે ઓસ્ટ્રેલિયાનો પ્રવાસ કર્યો હતો અને ઓસ્ટ્રેલિયાએ તે ટૂર્નામેન્ટ જીતી હતી. તેને 2019 માં તેની ઓસ્ટ્રેલિયન ટ્રીપની તસવીરો ઈન્સ્ટાગ્રામ પર શેર કરી હતી. રસપ્રદ વાત એ છે કે ડેવિડ મિલર પણ તે વર્ષે ક્રિકેટ વર્લ્ડ કપમાં દક્ષિણ આફ્રિકા તરફથી રમ્યો હતો.
શુભમન ગિલની બહેને શેર કર્યો હતો ફોટો
ડેવિડ મિલર તાજેતરમાં જ લંકા પ્રીમિયર લીગમાં જાફના કિંગ્સ માટે આવ્યો હતો. તેની ગર્લફ્રેન્ડ કેમિલા પણ શ્રીલંકાણી મુલાકાત લીધી હતી. જોકે મિલર કે કેમિલાએ એક સાથે કોઈ ફોટો શેર કર્યો નહતો. હેરિસ ડેવિડ મિલર સાથે ભારતની મુલાકાતે પણ આવી હતી. ડેવિડ IPL 2023માં ગુજરાત ટાઇટન્સનો ભાગ હતો. શુભમન ગિલની બહેન શાહનીલે એમ ચિન્નાસ્વામી સ્ટેડિયમનો એક ગ્રુપ ફોટો શેર કર્યો હતો. તસવીરોમાં હેરિસ પણ હાજર હતી અને એવું લાગે છે કે તેણે શાહનીલ ગિલ સાથે સારો બોન્ડ બનાવ્યો છે.
