નિર્ણય / દિલ્હીમાં કાબૂ બહાર કોરોના, આટલા દિવસ માટે લંબાઈ શકે છે લૉકડાઉન

• દિલ્હીમાં કોરોના વાયરસના કેસ બેકાબૂ 
• ચાલુ લૉકડાઉનને લાંબુ કરવામાં આવશે 
• ઑક્સીજનની અછતના કારણે દિલ્હીના હાલ બેહાલ 

ભારતમાં કોરોના વાયરસની સુનામી 

ભારતમાં કોરોના વાયરસની બીજી લહેર કહેર બનીને તૂટી છે કારણ કે શહેર શહેર કોરોના કહેર જોવા મળી રહ્યો છે. ભારતની મોટી મોટી હોસ્પિટલોના હાલ બેહાલ છે જ્યારે નાના શહેરો અને ગામડાઓમાં તો ભયંકર પરિસ્થિતિ છે. લોકો ઑક્સીજન વગર તરફડીને મરી રહ્યા છે અને બીજી તરફ ઑક્સીજન માટે કેન્દ્ર અને રાજ્ય વચ્ચે તકરાર જોવા મળી રહી છે. 

કેજરીવાલ સરકાર લઈ શકે છે મોટો નિર્ણય 

દેશની રાજધાનીમાં કોરોના વાયરસનો રાફડો ફાટ્યો છે. સતત કેસ વધી રહ્યા છે અને સાથે સાથે પોઝિટીવીટી રેટ પણ ઊંચો જઈ રહ્યો છે. દિલ્હીની મોટા ભાગની હોસ્પિટલોમાં ઑક્સીજન ખૂટી પડ્યા છે અને બેડ ખૂટી પડ્યા છે ત્યારે દિલ્હીમાં ચાલી રહેલા લૉકડાઉનની કોઈ અસર જોવા મળી રહી નથી ત્યારે સોમવારે સવારે સમાપ્ત થઈ રહેલા લૉકડાઉનને હવે લાંબુ કરવામાં આવે તેવી સંભાવના છે. 

કોરોના સંક્રમણ ભયાનક સ્તર પર 

સૂત્રો અનુસાર દિલ્હીમાં એક સપ્તાહ માટે લૉકડાઉન લંબાવાઇ શકાય છે. અત્યારે કેજરીવાલ સરકારે 6 દિવસ માટે લૉકડાઉન લગાવ્યું હતું જે સોમવારે સવારે સમાપ્ત થશે. દિલ્હી માટે ચિંતાની વાત છે કે કોરોના સંક્રમણનો દર 36 ટકા પર પહોંચી ગયો છે. યુનાઈટેડ રેસિડેન્ટ ઓફ દિલ્હીના જનરલ સેક્રેટરીએ કહ્યું કે અમે માંગ કરી રહ્યા છે કે ઓછામાં ઓછું 14 દિવસનું લૉકડાઉન કરવામાં આવે કારણ કે દિલ્હીમાં દરરોજ 25 હજારથી ઉપર કેસ સામે આવી રહ્યા છે જોકે સામે ટેસ્ટ તો ઓછા થઈ રહ્યા છે. ઑક્સીજનનું સંકટ જે હદે વધી રહ્યું છે આવી પરિસ્થિતિમાં ગતિવિધિઓને ખોલવીએ યોગ્ય નથી. 

ઑક્સીજન વગર દિલ્હીનો શ્વાસ રૂંધાયો 

નોંધનીય છે કે દિલ્હીમાં ઑક્સીજનની જબરદસ્ત અછત જોવા મળી રહી છે. સીએમ કેજરીવાલે પીએમ મોદી સાથેની મીટિંગમાં પણ આ મુદ્દાને ઉઠાવ્યો હતો અને જુદા જુદા રાજ્યોના મુખ્યમંત્રીને પણ મદદ કરવા માટે અપીલ કરવામાં આવી છે. બીજી તરફ ઑક્સીજન ન હોવાના કારણે દર્દીઓ હોસ્પિટલમાં દમ તોડી રહ્યા છે.