કોરોના વાયરસ / કોરોના વિરુદ્ધની જંગમાં અન્ય દેશો કરતા ભારત સારું કરી રહ્યું છે: PM મોદી

• કોરોના અંગે પ્રધાનમંત્રી નરેન્દ્ર મોદીનું સંબોધન
• કોરોનાથી કોઇનું પણ મૃત્યુ દુઃખદઃ પીએમ
• ખેડૂતોની આવક વધશે તો અર્થવ્યવસ્થાની ગતિ પણ વધશેઃ પીએમ

પ્રધાનમંત્રી નરેન્દ્ર મોદીએ કહ્યું કે, ભારતમાં કોરોનાનો પ્રભાવ ઓછો છે. ભારતમાં લેવાયેલા પગલાના સમગ્ર વિશ્વમાં વખાણ થઇ રહ્યા છે, અન્ય રાષ્ટ્રોની સરખામણીએ ભારતમાં કોરોનાથી ઓછા મૃત્યું થયાં છે. કોરોનાથી કોઇનું પણ મૃત્યુ દુઃખદ.

પીએમ મોદીએ કહ્યું કે, ભવિષ્યમાં જ્યારે પણ ભારતની કોરોના વિરૂદ્ધ લડાઈનું અદ્યયન થશે, તો આ સમયને એટલા માટે પણ યાદ કરવામાં આવશે કે આ વખતે આપણે સાથે મળીને કામ કર્યું, Co-operative Federalismનું સર્વોત્તમ ઉદાહરણ પ્રસ્તુત કર્યું.

પીએમએ કહ્યું કે, દુનિયાના મોટા મોટા એક્સપર્ટ્સ, હેલ્થ જાણકાર, લૉકડાઉન અને ભારતના લોકો દ્વારા દેખાડવામાં આવેલા અનુશાસનની આજે ચર્ચા કરી રહ્યા છે. આજે ભારતમાં રિકવરી રેટ 50 ટકાથી ઉપર છે. આજે ભારત દુનિયાના તે દેશોમાં અગ્રણી છે જ્યાં કોરોના સંક્રમિત દર્દીઓના જીવન બચી રહ્યા છે.

પીએમ મોદીએ કહ્યું કે, આપણે આ વાતનું હંમેશા ધ્યાન રાખવાનું છે કે અમે કોરોનાને જેટલો રોકી શકીશુ, એટલી જ આપણી અર્થવ્યવસ્થા ખુલશે, આપણી ઓફિસો, માર્કેટ ખુલશે, ટ્રાન્સપોર્ટના સાધન ખુલશે અને એટલા જ રોજગારના નવા અવસર પણ બનશે.

પીએમ મોદીએ કહ્યું કે આપણે ત્યાં જે નાની ફેક્ટ્રિઓ છે તેમણે ગાઇડેન્સ કર્યું, હેન્ડ હોલ્ડિંગની મોટી જરૂરિયાત છે. મને ખબર છે તમારા નેતૃત્વમાં આ દિશામાં ઘણું કામ થઇ રહ્યું છે. પીએમ મોદીએ કહ્યું કે, ટ્રેડ અને ઇન્ડસ્ટ્રી પોતાની જૂની ગતિ પકડી શકે, એટલા માટે વેલ્યૂ ચેન્સ પર પણ આપણે મળીને કામ કરવું પડશે.

પીએમએ કહ્યું કે, ભારતની અર્થવ્યવસ્થામાં સુધાર થઇ રહ્યો છે. આત્મનિર્ભર અભિયાન હેઠળ ઘણી જોગવાઇ કરાઇ છે. બેંક્રસ કમિટીના માધ્યમથી ક્રેડિટ મળે તેવા પ્રયાસ કરવામાં આવી રહ્યા છે. MSME ઉદ્યોગ માટે ઘણી યોજનાઓ અમલમાં આવી છે. ખેડૂતોની આવક વધશે તો અર્થવ્યવસ્થાની ગતિ પણ વધશે.

વધુમાં તેમણે કહ્યું કે, વગર માસ્કના બહાર નિકળવું યોગ્ય નહીં, સોશિયલ ડિસ્ટન્સ જાળવવું અને હાથ ધોવા ખુબ જ જરૂરી છે. દો ગજ દૂરીનું સૂત્ર અપનાવવું પડશે. હજારોની સંખ્યામાં વિદેશી લોકો પોતાના દેશ પરત ફર્યા છે.