ચિંતાજનક / પાણીમાં મળ્યો કોરોના વાયરસ, ત્રણ જગ્યાએથી લેવામાં આવ્યા સેમ્પલ, ગંગામાં મૃતદેહો મળ્યા પછી શરૂ થઈ તપાસ

• દિલ્હીમાં ત્રણ જગ્યાએથી લેવામાં આવેલ સેમ્પલમાંથી એક સેમ્પલ પોઝિટિવ આવ્યું
• ભવિષ્યમાં આખા દેશમાં આ સેમ્પલ લેવાની પ્રક્રિયા શરૂ કરવામાં આવી શકે
• ICMR-WHO દ્વારા દેશભરમાંથી સેમ્પલ લેવામાં આવ્યા

દિલ્હીમાં ત્રણ જગ્યાએથી લેવામાં આવેલ સેમ્પલમાંથી એક સેમ્પલ પોઝિટિવ આવ્યું
ઇંડિયન કાઉન્સિલ ઓફ મેડિકલ રિસર્ચ અને વર્લ્ડ હેલ્થ ઓર્ગેનાઇઝેશનના રિપોર્ટ મુજબ પાણીમાં પણ કોરોના વાયરસ મળ્યો છે. દિલ્હીમાં ત્રણ જગ્યાએથી લેવામાં આવેલ સેમ્પલમાંથી એક સેમ્પલ પોઝિટિવ આવ્યું છે. હવે પાણીમાં ફેલાયેલ વાયરસથી મનુષ્યમાં કેટલી અસર થશે, તે વિષય પર રિસર્ચ કરવામાં આવી રહ્યું છે. SGPGIનો માઇક્રોબાયોલજી વિભાગ આ રિસર્ચ કરી રહ્યું છે. ઘણી નદીઓમાં મૃતદેહો તણાવ્યાંબાદ ICMR અને WHOએ દેશભરમાં આ રિસર્ચ કરવાનું શરૂ કર્યું છે. 

ભવિષ્યમાં આખા દેશમાં આ સેમ્પલ લેવાની પ્રક્રિયા શરૂ કરવામાં આવી શકે
આ માટે દેશભરમાં 8 સેન્ટર બનાવવામાં આવ્યા છે. યુપીની સેન્ટર SGPGI એ બનાવ્યું છે. લખનઉમાં ઘણા સંક્રમણના કેસો સામે આવી રહ્યા છે. એટલે જ અહિયાં પાણીમાંથી સેમ્પલ લેવાની યોજના બનાવી છે. ત્રણ સેમ્પલમાંથી એક સેમ્પલમાં કોરોના વાયરસ જોવા મળ્યો છે. માનવામાં આવી રહ્યું છે કે પાણી દ્વારા માનવને કોરોના સંક્રમણ ફેલાઈ રહ્યું છે કે નહીં તેના પર રિસર્ચ કરવું પડશે. ભવિષ્યમાં આખા દેશમાં આ સેમ્પલ લેવાની પ્રક્રિયા શરૂ કરવામાં આવી શકે છે. 

ICMR-WHO દ્વારા દેશભરમાંથી સેમ્પલ લેવામાં આવ્યા
SGPGIના માઇક્રોબાયોલજી વિભાગના પ્રોફેસર ઉજવલા ઘોષલ દ્વારા જણાવવામાં આવ્યું કે ICMR-WHO દ્વારા દેશભરમાંથી સેમ્પલ લેવામાં આવ્યા છે. લખનઉમાં એવા સ્થળ પરથી સેમ્પલ લેવામાં આવ્યા છે જયાં આખી સોસાયટીનું પાણી આવતું હોય. હાલમાં આ પ્રાથમિક લેવલનું રિસર્ચ ચાલી રહ્યું છે પણ ભવિષ્યમાં આખા દેશમાં આ રિસર્ચ શરૂ કરવામાં આવી શકે છે. સાથે જ તેમણે કહ્યું કે વ્યક્તિના મળમાં રહેલ પાણીમાં પણ ભળી શકે છે. આ બધો મળ ગટર દ્વારા નદીઓમાં જઈ રહ્યો છે. હવે આ કારણે વ્યક્તિઓમાં વાયરસ ફેલાશે કે નહીં તે માટે રિસર્ચ ચાલી રહ્યું છે.