નિવેદન / મોદી સરનેમ કેસમાં રાહુલ ગાંધીને સુપ્રીમથી રાહત બાદ કોંગ્રેસની પ્રેસ, ખડગેએ કહ્યું કે સત્યમેવ જયતે

• મોદી સરનેમ કેસમાં રાહુલ ગાંધીની સજા પર સુપ્રીમ કોર્ટના સ્ટે બાદ કોંગ્રેસની પ્રેસ 
• ખડગેએ કહ્યું કે સત્યમેવ જયતે. દરેક વ્યક્તિ ખુશ છે
• રાહુલ ગાંધીએ કહ્યું, "આજે નહીં તો કાલે સત્યની જીત થશે
• કોંગ્રેસના નેતા અધીર રંજન ચૌધરીએ લોકસભાના સ્પીકર ઓમ બિરલાને મળ્યા 

મોદી સરનેમ કેસમાં રાહુલ ગાંધીની સજા પર સુપ્રીમ કોર્ટના સ્ટે બાદ હવે કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે અને પક્ષના નેતા રાહુલ ગાંધીએ AICC મુખ્યાલયમાં તમિલનાડુ કોંગ્રેસના નેતાઓ સાથે બેઠક યોજી હતી. આ તરફ મોદી સરનેમ કેસમાં માં રાહુલ ગાંધીને સુપ્રીમ કોર્ટમાંથી રાહત મળ્યા બાદ કોંગ્રેસના નેતા અધીર રંજન ચૌધરીએ લોકસભાના સ્પીકર ઓમ બિરલાને મળ્યા હતા.

કોંગ્રેસ હેડક્વાર્ટર ખાતે કોંગ્રેસની પ્રેસ કોન્ફરન્સ કરી હતી. જેમાં કોંગ્રેસ અધ્યક્ષ મલ્લિકાર્જુન ખડગે, રાહુલ ગાંધી, જયરામ રમેશ અને કેસી વેણુગોપાલ હાજર હતા. ખડગેએ કહ્યું કે સત્યમેવ જયતે. દરેક વ્યક્તિ ખુશ છે. કોંગ્રેસ અધ્યક્ષ મલ્લિકાર્જુન ખડગેએ કહ્યું કે, જ્યારે નીચલી કોર્ટનો નિર્ણય આવ્યો ત્યારે તેમની સદસ્યતા જલ્દી રદ્દ કરી દેવામાં આવી. હવે જોઈએ કે સભ્યપદ કેટલા સમયમાં પુનઃસ્થાપિત થાય છે.

#WATCH | Congress leader Rahul Gandhi addresses the media for the first time after Supreme Court stayed his conviction in 'Modi' surname remark defamation case.

He says, "Aaj nahi toh kal, kal nahi toh parson sachai ki jeet hoti hai. But my path is clear. I have clarity in my… pic.twitter.com/VN0XBtNGBJ

— ANI (@ANI) August 4, 2023

મલ્લિકાર્જુન ખડગેએ કહ્યું કે, આ માત્ર રાહુલ ગાંધીની જ નહીં પરંતુ સામાન્ય લોકોની પણ જીત છે. એક એવી વ્યક્તિ જે સત્ય માટે અને દેશના હિતમાં લડે છે. મોંઘવારી, બેરોજગારી સામે લડાઈ, ભારત જોડો યાત્રામાં લોકો મળ્યા, આ જીત સૌના આશીર્વાદથી મળી છે. 

સુપ્રીમ કોર્ટમાંથી રાહત મળ્યા બાદ રાહુલ ગાંધીએ કહ્યું કે સત્યની જીત થાય છે. રાહુલ ગાંધીએ કહ્યું, "આજે નહીં તો કાલે સત્યની જીત થશે. હું મારું લક્ષ્ય જાણું છું, મને ખબર છે કે મારે શું કરવાનું છે. અમને મદદ કરનાર અને જનતા દ્વારા આપવામાં આવેલા પ્રેમ અને સમર્થનનો આભાર.