મોટુ નિવેદન / PM મોદીમાં મને ભગવાન દેખાય છે, ભાજપશાસિત રાજ્યનાં મુખ્યમંત્રીએ આપ્યું મોટું નિવેદન

• વડાપ્રધાન નરેન્દ્ર મોદી સુપર હ્યુમન
• તેમનામાં ભગવાનના ગુણ છે 
• મધ્યપ્રદેશના મુખ્યમંત્રીનું નિવેદન 

મધ્યપ્રદેશના મુખ્યમંત્રી શિવરાજ સિંહ ચૌહાણે કહ્યું છે કે વડાપ્રધાન નરેન્દ્ર મોદી સુપર હ્યુમન છે અને તેમનામાં ભગવાનના ગુણ છે. ગોવાના દાબોલિમ વિધાનસભા ક્ષેત્રમાં ભાજપની ચૂંટણી રેલીમાં ચૌહાણે કહ્યું, 'મને નરેન્દ્ર મોદી દેખાય છે. તે અનંત શક્તિઓનો ભંડાર છે. એક વ્યક્તિ આટલું બધું કામ કેવી રીતે કરી શકે? આ પહેલા કોંગ્રેસે વર્ષો સુધી સરકાર ચલાવી હતી. તમે જ્યાં ગયા ત્યાં વિકાસના કામો થયા?

નરેન્દ્ર મોદી જેવા વડાપ્રધાન હોવું એ સૌભાગ્યની વાત
આ ઉપરાંત શિવરાજ સિંહ ચૌહાણે કહ્યું હતું કે હું આ એટલા માટે નથી કહી રહ્યો કારણ કે હું એક મુખ્યમંત્રી અને ભાજપનો કાર્યકર છું. હું મારા હૃદયમાં જે અનુભવું છું તે કહું છું. દેશ પાસે નરેન્દ્ર મોદી જેવા વડાપ્રધાન છે તે સૌભાગ્યની વાત છે. તેમની પાસે અદ્ભુત વ્યક્તિત્વ છે.

પીએમ મોદીએ વિદેશમાં ભારતને ગૌરવ અપાવ્યું
મધ્યપ્રદેશના મુખ્યમંત્રીએ એમ પણ કહ્યું કે વડાપ્રધાન મોદીએ વિદેશમાં ભારતનું ગૌરવ પુનઃસ્થાપિત કર્યું છે. જ્યારે કોંગ્રેસ સત્તામાં હતી ત્યારે વિદેશમાં લોકો આપણને અવગણતા હતા કે અમે ભારતથી આવ્યા છીએ. તેઓને આપના માટે માન નહોતું. તેઓ આપણને ગર્વથી જોતા ન હતા. ભારતમાં થઈ રહેલ ભ્રષ્ટાચાર સંબંધિત મુદ્દાઓ પર ચર્ચા કરવામાં આવતી હતી. હવે ભારતની ઇમેજ બદલાઈ હોવાનો દાવો મધ્યપ્રદેશના મુખ્યમંત્રીએ કર્યો હતો.