સમીક્ષા / બિપોરજોય વાવાઝોડાની પરિસ્થિતિનો PM મોદીએ તાગ મેળવ્યો, CM સાથે કરી ટેલીફોનીક વાત, વન્ય પ્રાણીઓની પણ કરી ચિંતા

• PM મોદીએ CM ભૂપેન્દ્ર પટેલ સાથે ટેલીફોનીક વાતચીત કરી
• વાવાઝોડાની પરિસ્થિતિને લઈ વ્યવસ્થાની પૃચ્છા કરી 
• સિંહ સહિત વન્ય પ્રાણીઓની સલામતીની પણ વ્યવસ્થાની પૃચ્છા કરી

બિપોરજોય વાવાઝોડાની પરિસ્થિતિની સંપૂર્ણ વિગતો વડાપ્રધાન નરેન્દ્ર મોદીએ ગુરુવારે મોડી રાત્રે મુખ્યમંત્રી ભૂપેન્દ્ર પટેલ સાથે ટેલીફોનીક વાતચીત કરીને મેળવી હતી. વડાપ્રધાનએ ગીર ફોરેસ્ટના સિંહ સહિત વન્ય પ્રાણીઓની સલામતીની પણ વ્યવસ્થાની પૃચ્છા કરી તે અંગે પણ ચિંતા કરી હતી. બિપરજોય વાવાઝોડાની અસર દરિયાઈ કાંઠેના વિસ્તારોમાં વર્તાઈ રહી છે. અનેક વિસ્તારોમાં ભારે પવન સાથે વરસાદ પડ્યો છે જેના કારણે ક્યાંક વૃક્ષો ધરાશાયી થયા છે તો ક્યાંક વીજ થાંભલા પડ્યાં છે. જે સમગ્ર પરિસ્થિતિને લઈ મુખ્યમંત્રી ભૂપેન્દ્ર પટેલ સતત સ્ટેટ ઇમરજન્સી ઓપરેશન સેન્ટર ખાતેથી મુખ્ય સચિવ સહિતના ઉચ્ચ અધિકારીઓ સાથે બેઠક યોજી રહ્યાં છે. 

માનનીય વડાપ્રધાન શ્રી નરેન્દ્રભાઈ મોદીએ ટેલીફોનિક વાતચીત કરીને ગુજરાત પર તોળાઈ રહેલા બિપરજોય વાવાઝોડાની પરિસ્થિતિની સંપૂર્ણ વિગતો મેળવી. તેઓશ્રીએ ગીર ફોરેસ્ટના સિંહ સહિત વન્યપ્રાણીઓની સલામતીની ચિંતા વ્યક્ત કરીને તેમની કાળજીની વ્યવસ્થાની પૃચ્છા પણ કરી હતી.

— Bhupendra Patel (@Bhupendrapbjp) June 15, 2023

મુખ્યમંત્રી કલેકટરો સાથે ટેલિફોનિક વાતચીત કરી
મુખ્યમંત્રી ભૂપેન્દ્ર પટેલ સ્ટેટ ઈમરજન્સી ઓપરેશન સેન્ટર ખાતેથી બિપરજોય વાવાઝોડા બાબતે સંભવિત અસરગ્રસ્ત આઠ જિલ્લાઓના વહીવટી તંત્ર દ્વારા કરાયેલી કામગીરીની તેમજ વાવાઝોડા બાદ કરવાની જરૂરી કાર્યવાહીની વિગતો મેળવી મહત્વપૂર્ણ સૂચનો આપ્યા હતા. મુખ્યમંત્રીએ સંભવિત અતિ પ્રભાવિત કચ્છ અને દ્વારકાના જિલ્લા કલેકટરો સાથે ટેલિફોનિક વાતચીત કરી પરિસ્થિતિની વિગતો મેળવી હતી.

મુખ્યમંત્રી શ્રી ભૂપેન્દ્ર પટેલે આજે સાંજે સ્ટેટ ઇમરજન્સી ઓપરેશન સેન્ટર ખાતે મુખ્ય સચિવશ્રી સહિતના ઉચ્ચ અધિકારીઓ સાથે બેઠક યોજી બિપરજોય વાવાઝોડા બાબતે સંભવિત અસરગ્રસ્ત આઠ જિલ્લાઓના વહીવટી તંત્ર દ્વારા કરાયેલી કામગીરીની તેમજ વાવાઝોડા બાદ કરવાની જરૂરી કાર્યવાહીની વિગતો મેળવી… pic.twitter.com/1Y1k1nEJUB

— CMO Gujarat (@CMOGuj) June 15, 2023

જિલ્લાઓની સ્થિતિની સમીક્ષા  કરી
અત્રે તમને જણાવી દઈએ કે, બિપરજોય વાવાઝોડાની આપદાને પહોંચી વળવા માટે મુખ્યમંત્રી ભૂપેન્દ્ર પટેલ ઈમરજન્સી ઓપરેશન સેન્ટર ખાતેથી સતત ત્રીજીવાર મુલાકાત લીધી હતી. સીએમએ તમામ પરિસ્થિતિને પહોંચી વળવા માટે કલેક્ટરોને સૂચનાઓ આપી હતી તેમજ ઘટનાનો તાગ મેળવ્યો હતો. મુખ્યમંત્રીએ બેઠક પણ યોજી હતી. વાવાઝોડાની વર્તમાન સ્થિતિ અને પૂર્વાનુમાન ઉપરાંત તંત્ર દ્વારા નાગરિકોના સ્થાળાંતર, વીજ અને પાણી પૂરવઠો, સંદેશાવ્યવહાર, વન્યજીવોની સુરક્ષા જેવી પૂર્વતૈયારીઓની વિગતો મેળવી જરૂરી સૂચનો કર્યા હતા.