પરંપરા / CM ભૂપેન્દ્ર પટેલે રથયાત્રાની પૂર્વસંધ્‍યાએ ભગવાન જગન્નાથજીની પૂજા-અર્ચના કરી, સંધ્યાઆરતીમાં સહભાગી થયા

• રથયાત્રાની પૂર્વસંધ્યાએ CMએ જગન્નાથ મંદિર ખાતે પૂજા-અર્ચના કરી
• સૌને રથયાત્રા નિમિત્તેનું શુભેચ્છાઓ પાઠવું છું: મુખ્યમંત્રી ભૂપેન્દ્ર પટેલે
• 'નાના-મોટા નુકસાન અંગે સર્વે કરવામાં આવી રહ્યો છે'

ભગવાન જગન્નાથજીની અમદાવાદમાં યોજાનાર 146મી રથયાત્રાની પૂર્વસંધ્યાએ મુખ્યમંત્રી ભૂપેન્દ્ર પટેલ જગન્નાથ મંદિર ખાતે પૂજા-અર્ચના અને સંધ્યાઆરતીમાં સહભાગી થયા હતા. ભગવાન જગન્નાથજીના દર્શન કરીને મુખ્યમંત્રીએ ધન્યતા અનુભવી હતી. 

Live: રથયાત્રાની પૂર્વસંધ્યાએ અમદાવાદમાં શ્રી જગન્નાથ મંદિરે શ્રદ્ધાળુઓની સાથે આરતી https://t.co/R58cV9wdja

— Bhupendra Patel (@Bhupendrapbjp) June 19, 2023

રથયાત્રા શુભેચ્છાઓ પાઠવી
પૂજા-અર્ચના અને સંધ્યા આરતી કર્યા બાદ મુખ્યમંત્રી ભૂપેન્દ્ર પટેલે જણાવ્યું હતું કે, આપણી સંસ્કૃતિ અને પરંપરા પ્રમાણે દર વર્ષની જેમ આ વર્ષે પણ અમદાવાદ શહેરમા રથયાત્રા નીકળવાની છે ત્યારે સૌને રથયાત્રા નિમિત્તેનું શુભેચ્છાઓ પાઠવું છું. રથયાત્રા માટેનો સૌનો ઉત્સાહ હરહંમેશ જળવાઈ રહે અને રાજ્યના નાગરિકોની સુખ, શાંતિ અને સમૃદ્ધિ સતત વધતી રહે તે માટે ભગવાનન જગન્નાથજીના ચરણોમાં પ્રાર્થના કરી છે એમ પણ મુખ્યમંત્રીએ જણાવ્યું હતું.

રથયાત્રાની પૂર્વસંધ્યાએ અમદાવાદના શ્રી જગન્નાથજી મંદિરે દર્શન અને સંધ્યાઆરતી કરી ધન્યતા અનુભવી. આ અવસરે, શ્રી જગન્નાથજી મંદિરના મહંત પૂજ્ય શ્રી દિલીપદાસજી મહારાજના આશીર્વાદ પ્રાપ્ત કર્યા. રથયાત્રા સોહાર્દપૂર્ણ અને આસ્થામય માહોલમાં સંપન્ન થાય અને શ્રી જગન્નાથજીની કૃપા સદા ગુજરાત… pic.twitter.com/rFaiNfHAao

— Bhupendra Patel (@Bhupendrapbjp) June 19, 2023

'સર્વે બાદ પેકેજ જાહેર કરવામાં આવશે'
બિપરજોય વાવાઝોડા અંગે મુખ્યમંત્રી ભૂપેન્દ્ર પટેલે જણાવ્યું કે, ગુજરાત પર આ સંકટ આવ્યું પરંતુ આપણા આગોતરા અને સમયસર ના આયોજન થી ઝીરો કેઝ્યુલિટી સાથે રાજ્યમાંથી આપણે વાવાઝોડા માંથી પાર ઉતર્યા છીએ. વડાપ્રધાન નરેન્દ્ર મોદીના માર્ગદર્શનમાં અને અમિત શાહના સાથ, સહકારથી રાજ્ય સરકાર અને પ્રજાજનોએ આ વાવાઝોડાની આફત સામે એક ટીમ બનીને કામ કર્યું છે, એવું પણ તેમણે ઉમેર્યું હતું. નાના-મોટા નુકસાન અંગે સર્વે કરવામાં આવી રહ્યો છે સર્વે બાદ પેકેજ જાહેર કરવામાં આવશે તેવુ તેમણે નિવેદન આપ્યુ હતુ.