BIG BREAKING / છત્તીસગઢમાં સુરક્ષાદળો સાથેની અથડામણમાં 7 નક્સલીઓ ઠાર, 3 પોલીસકર્મીઓ પણ શહીદ

• સુકમામાં સુરક્ષાદળો અને નક્સલવાદીઓ વચ્ચે અથડામણ
• સુરક્ષાદળો સાથેની અથડામણમાં 7 નક્સલીઓ ઠાર
• એક ASI સહિત ત્રણ પોલીસકર્મીઓ શહીદ

છત્તીસગઢના નક્સલ પ્રભાવિત સુકમા જિલ્લામાં શનિવારે સવારે સુરક્ષા દળો અને નક્સલવાદીઓ વચ્ચે અથડામણ થઈ હતી. જેમાં એક આસિસ્ટન્ટ સબ ઈન્સ્પેક્ટર સહિત ત્રણ પોલીસકર્મીઓ શહીદ થયા છે. જ્યારે અથડામણમાં 6થી 7 નક્સલવાદીઓને ઠાર મારવામાં આવ્યા છે. પોલીસ અધિકારીઓએ જણાવ્યું કે, સુકમા જિલ્લાના જગરગુંડા અને કુંદેડ ગામની વચ્ચે સુરક્ષા દળો અને નક્સલવાદીઓ વચ્ચે અથડામણ થઈ હતી. જેમાં DRGના આસિસ્ટન્ટ સબ ઈન્સ્પેક્ટર રામુરામ નાગ, આસિસ્ટન્ટ કોન્સ્ટેબલ કુંજરામ જોગા અને કોન્સ્ટેબલ વંજમ ભીમા શહીદ થયા છે.

6થી 7 નક્સવાદીઓને પણ કરાયા ઠાર
અધિકારીઓએ જણાવ્યું કે, શનિવારે સવારે જગરગુંડા પોલીસ સ્ટેશનથી DRGની ટીમને પેટ્રોલિંગ માટે મોકલવામાં આવી હતી. જ્યારે આ ટીમ સવારે 9 વાગે જગરગુંડા અને કુંદેડ ગામ વચ્ચે હતી ત્યારે નક્સલવાદીઓએ પોલીસ ટીમ પર હુમલો કર્યો હતો. આ હુમલામાં એક આસિસ્ટન્ટ સબ ઈન્સ્પેક્ટર સહિત ત્રણ પોલીસકર્મીઓ શહીદ થયા હતા. જોકે, પોલીસકર્મીઓએ પણ નક્સલવાદીઓને જડબાતોડ જવાબ આપ્યો હતો. ફાયરિંગમાં 6થી 7 નક્સલવાદીઓ પણ માર્યા ગયા છે.

3 DRG jawans killed in encounter with Naxals in Chhattisgarh's Sukma

Read @ANI Story | https://t.co/hJODZGwW2o#DRG #Jawan #Chhattisgarh #Sukma #JawansKilled pic.twitter.com/bFUsGGMsie

— ANI Digital (@ani_digital) February 25, 2023

DRGના ત્રણ જવાન શહીદ 
આ અંગે એસપી સુનીલ શર્માએ જણાવ્યું કે, પીએલજીએ નક્સલવાદીઓ સાથે અથડામણ થઈ હતી.  જેમાં ત્રણ જવાનો શહીદ થયા છે. કોઈ જવાન ઈજગ્રસ્ત થયો નથી. તમામ જવાનો સુરક્ષિત રીતે કેમ્પમાં પહોંચી ચૂક્યા છે. પોલીસ અધિકારીઓએ જણાવ્યું કે, નક્સલીઓના ગોળીબાર બાદ સુરક્ષા દળોએ પણ જવાબી કાર્યવાહી કરી હતી. જેમાં અત્યાર સુધીમાં 6થી 7 નક્સલવાદીઓ માર્યા ગયા હોવાના સમાચાર છે.

નક્સલવાદીઓ વિરુદ્ધ અભિયાન ચાલું 
પોલીસ અધિકારીએ જણાવ્યું કે, સમગ્ર મામલે વધુ માહિતી એકઠી કરવામાં આવી રહી છે. સુકમાના જે વિસ્તારમાં આ ઘટના બની છે ત્યાં નક્સલવાદીઓ વિરુદ્ધ અભિયાન સતત ચાલી રહ્યું છે. આ કાર્યવાહી આગળ પણ ચાલુ રહેશે.