મહામારી / કોરોનાકાળમાં માતા-પિતાની છત્રછાયા ગુમાવનારા બાળકોનો આધાર બની અમદાવાદની આ સંસ્થા

• નિરાધાર બાળકોનો આધાર બનશે ચાઈલ્ડ કેર
• કોરોનામાં છત્રછાયા ગુમાવનારની કરે છે મદદ 
• સરકાર અને ચાઈલ્ડ કેર દ્વારા શરૂ કરાયું અભિયાન 

કોરોનાનો આ કપરો કાળા અનેક લોકોને નિરાધાર બનાવી ગયો છે. કોઈએ એકનો એક દિકરો ગુમાવ્યો. તો કોઈએ મા-બાપની છત્રછાયા. તેમાં પણ અનેક બાળકો એવા છે જેમની આગળ પાછળ કોઈ નથી બચ્યું. ત્યારે આ બાળકોનો આધાર હવે ચાઈલ્ડ કેર બન્યું છે. અમદાવાદના ચાઈલ્ડ કેર દ્વારા હવે મહાઝૂંબેશ શરૂ કરાઈ છે. જેમાં નિરાધાર બાળકોનો ડેટા મેળવીને તેમને મદદ કરવામાં આવી રહી છે. ત્યારે કેવી રીતે ચાઈલ્ડ કેર નિરાધાર બાળકો માટે બની રહ્યું છે. 

કોરોનાની મહામારીમાં અનેક પરિવારે પોતાના સ્વજન ગુમાવ્યા. પત્નીએ પતિ તો પતિએ પત્ની અને સંતાનોએ માં બાપ ગુમાવ્યાં. આ કપરી સ્થિતિમાં દયનિય હાલત તો બાળકોની થઈ છે. જે નિરાધાર બન્યા છે. કોરોનાના કહેરમાં માતા પિતાને ગુમાવનાર બાળકોના વ્હારે હવે ચાઈલ્ડ કેર આવ્યું છે. જેમણે ગુજરાતના નિરાધાર બાળકોના આંકડા મેળવ્યા છે. માતા-પિતા ગુમાવનાર સંતાનને કોઈ વ્યક્તિ જો મદદરૂપ થયું હોય તો તેને પાલક માતા-પિતાની યોજનાનો લાભ આપવામાં આવે છે. અથવા તો બાળકોને ચાઈલ્ડ હોમમાં લઇ જઇને તેમનો ઉછેર કરવામાં આવે છે. સરકાર અને ચાઈલ્ડ કેરના આ અભિયાનથી બાળકોને નવું જીવનદાન મળશે.

ગુજરાતમાં 5 જેટલા નિરાધાર બાળકોનો આંકડો સામે આવ્યો છે. જેમને પાડોશીઓ કે સંબંધીઓ તેમનું પાલનપોષણ કરે છે. જ્યારે કેટલા પરિવારમાં ઘરનો મોભીને જ કોરોનાનું કહેર બની ગયો છે. જેના કારણે ગૃહણી અને તેના સંતાન નિરાધાર અને આર્થિક મુશ્કેલીઓમાં મુકાયા છે. તેમને જમવાની પણ સગવડ ન મળતી હોવાનું સામે આવ્યું છે. ત્યારે આ પરિવારો માટે રાસન કીટ અને અન્ય યોજનાનો લાભ આપવાની ઝુંબેશ શરૂ કરવામાં આવી છે. 

આ કપરી સ્થિતિમાં કોઈનો આશરો અને મદદરૂપ થવું જ માનવસેવા છે. જેથી ચાઈલ્ડ કેરે બાળકોને શરો અપાવવા આ ઝુંબેશ શરૂ કરી છે અને લોકોને આવા બાળકોની માહિતી આપવા માટેની પણ અપીલ કરી છે. આ અહેવાલ દ્વારા અમે પણ રાજ્યના તમામ લોકોને અપીલ કરીએ છીએ કે, જો આપની જનરોમાં કોઈ આવા સંતાન હોય કે, જેમણે કોરોનામાં માતા-પિતાની છત્રછાયા ગુમાવી હોય તો ચાઈલ્ડ કેરનો સંપર્ક ચોક્કસ પણે કરવો.