- 5 લાખથી ઓછી કિંમતમાં મળશે આ કાર
- મધ્યમ વર્ગીય માટે બેસ્ટ કાર ઓપ્શન
- ફિચર્સની સાથે-સાથે આપશે ધમાકેદાર માયલેજ
આજકાલ ગાડીઓની માંગ ઘણી વધી ગઈ છે. સૌ કોઈને પોતાની પર્સનલ કાર હોય તેવી ઈચ્છા હોય છે. પરંતુ તમામ ગાડીઓનાં ભાવ આસમાને પહોંચેલા છે. તેવામાં નિરાશ થવાની જરૂરત નથી કારણકે ભારતમાં 5 લાખ રૂપિયાથી પણ ઓછી કિંમતની કાર ઉપલબ્ધ છે. ગાડીઓનું આ લિસ્ટ તમને મદદ કરી શકે છે.
1. મારુતિ સુઝુકી અલ્ટો K10
મારુતિ સુઝુકીએ ઑલ્ટો 800નું પ્રોડક્શન બંધ કરી દીધું છે. તેના લીધે હવે ઑલ્ટો K10 દેશની સૌથી સસ્તી કાર બની ગઈ છે. આ ભારતીય બજારમાં સૌથી લોકપ્રિય સસ્તી કારોમાંની એક છે. તેમાં 1.0 લીટર 3 સિલેન્ડર પેટ્રોલ એન્જિન છે જેની કિંમત 3.99 લાખ રૂપિયાથી શરૂ થાય છે અને 5.95 લાખ સુધી પહોંચે છે. ઓલ્ટો K10નાં ફીચર્સની વાત કરીએ તો તેમાં 7 ઈંચનો ટચસ્ક્રીન ઈંફોટેનમેંટ સિસ્ટમ, એપલ કારપ્લે અને એન્ડ્રોઈડ ઓટો, keyless એન્ટ્રી અને ડિજિટલ ઈંસ્ટ્રુમેન્ટ ક્લસ્ટર શામેલ છે. સેડાન મૉડલમાં સ્ટીયરિંગ-માઉંટેડ કંટ્રોલ અને મેન્યુઅલ રૂપથી એડજસ્ટેબલ ORVM પણ મળે છે.
2. મારુતિ સુઝુકી એસપ્રેસો
વધુ એક વિકલ્પ છે મારુતિ સુઝુકી એસપ્રેસો જેની કિંમત 4.25 લાખ રૂપિયાથી શરૂ થાય છે. તેમાં સ્માર્ટફોન કનેક્ટિવિટી, એક ડિજિટલ સ્પીડોમીટર અને ટચસ્ક્રીન ઈંફોટેનમેંટ સિસ્ટમ આવેલી છે. સુરક્ષા માટે તેમાં ડ્યુઅલ ફ્રંટ એરબેગ, રિયર પાર્કિંગ સેંસર, સ્પીડ એલર્ટ, ઈબીડીની સાથે એબીએસ અને ફ્રંટ સીટબેલ્ટ રિમાઈંડર પણ આવેલ છે.
3. રેનૉલ્ટ ક્વિડ
રેનૉલ્ટ ક્વિડ પણ એક સારો વિકલ્પ છે. તેમાં 1.0 લીટર 3 સિલેન્ડર પેટ્રોલ એન્જિન આવેલ છે. આ એન્જિનથી 68 PS અને 91 Nmનો પાવર મળે છે.ક્વિડની કિંમત 4.70 લાખ રૂપિયાથી લઈને 6.33 લાખ રૂપિયા સુધીની છે. રેનૉલ્ટે હાલમાં જ રેનૉલ્ટ ક્વિડનાં 800CC એન્જિન વેરિયંટને બંધ કરેલ છે.
