- છત્તીસગઢમાં CRPFનાં કેમ્પ પર હુમલો
- નક્સલવાદીઓએ એકાએક કર્યો અટેક
- 3 જવાનો શહીદ, 14 ઘાયલ
છત્તીસગઢનાં સુકમા-બીજાપુર જિલ્લાનાં સીમાવર્તી ક્ષેત્ર ટેકલગુડેમ ગામમાં CRPF કેંપ પર નક્સલિયોએ મોટો હુમલો કર્યો છે. આ હુમલામાં 3 જવાન શહીદ થયાં છે જ્યારે 14 ઘાયલ છે. ઘાયલ સૈનિકોને ઈલાજ માટે તાત્કાલિક હોસ્પિટલ લઈ જવામાં આવ્યું છે. હુમલાની સૂચના મળતાંની સાથે જ ફોર્સ ઘટના સ્થળ પર તાત્કાલિક પહોંચી ગઈ અને વિસ્તારને ચારેય તરફથી ઘેરીને હુમલાખોરોની તપાસ શરૂ કરી છે.
માઓવાદીઓએ કર્યો અટેક
જાણકારી અનુસાર સુકમાનાં પોલીસ સ્ટેશન જગરગુંડા વિસ્તારમાં નક્સલ ગતિવિધિઓ પર પ્રતિબંધ લગાડવા અને વિસ્તારનાં લોકોને મદદ આપવા માટે આજે 30 જાન્યુઆરીનાં રોજ સુરક્ષા કેમ્પ સ્થાપિત કરવામાં આવ્યો હતો. કેમ્પની સ્થાપના બાદ CRPFનાં કોબરા જવાન જોનાગુંડા-અલીગુડા ક્ષેત્રમાં સર્ચ ઓપરેશન કરી રહ્યાં હતાં. આ દરમિયાન જવાનો પર માઓવાદીઓ દ્વારા ફાયરિંગ કરવામાં આવી.
સુરક્ષાદળો દ્વારા પણ માઓવાદી ફાયરિંગનો જડબાતોડ જવાબ આપતી કાર્યવાહી કરવામાં આવી. સુરક્ષાદળનાં વધતા દબાણને જોતાં માઓવાદીઓ જંગલ તરફ ભાગી ગયાં. જો કે આ ઘટનામાં 3 જવાનોને ગોળી લાગતાં તેઓ શહીદ થયાં છે. જ્યારે 14 જવાન ઘાયલ થયાં છે. તેમને ઈલાજ માટે રાયપુર મોકલવામાં આવ્યું છે.
CMનાં શપથ સમારોહ પહેલાં પણ થયો હતો હુમલો
ગતવર્ષે ડિસેમ્બર મહિનામાં છત્તીસગઢમાં CMની શપથવિધિ પહેલા નક્સલી હુમલો થયો હતો. 13 ડિસેમ્બર 2023નાં નક્સલીઓએ નારાયણપુરમાં IED બ્લાસ્ટ કરવામાં આવ્યો હતો. આ હુમલામાં એક જવાન શહીદ થયાં હતાં. જ્યારે અન્ય ઘાયલ થયાં હતાં. આ હુમલો નારાયણપુરમાં એ સમયે કરવામાં આવ્યો જ્યારે રાજધાનીમાં આયોજિત સમારોહમાં વિષ્ણુદેવ સાય CM પદ માટે શપથ લઈ રહ્યાં હતાં.
