ચંદ્રયાન 3 લેન્ડિંગ / Chandrayaan 3 Landing : ISRO નો બેકઅપ પ્લાન પણ તૈયાર, આ રીતે થશે ચંદ્ર પર સફળ લેન્ડિંગ

• આજે 23 ઓગસ્ટે ભારત ઇતિહાસ રચવાની ખૂબ નજીક
• ઈસરોના ચીફ એસ સોમનાથનું મોટું નિવેદન 
• અમને વિશ્વાસ છે કે સફળ મિશન હશે: એસ સોમનાથ

આજે એટલે કે બુધવારે 23 ઓગસ્ટે ભારત ઇતિહાસ રચવાની ખૂબ નજીક છે. ભારતનું ચંદ્ર મિશન ચંદ્રયાન-3 સાંજે 6:04  વાગ્યે ચંદ્રની સપાટી પર સોફ્ટ લેન્ડિંગ કરે તેવી અપેક્ષા છે. આ તરફ હવે 2019માં ચંદ્રયાન-2ના હાર્ડ લેન્ડિંગ પછી મિશન પર દેખરેખ રાખનારા ISROના વૈજ્ઞાનિકોને આ અપેક્ષાને વિશ્વાસ અપાવ્યો છે. ઈસરોના ચીફ એસ સોમનાથે કહ્યું છે કે, અમને વિશ્વાસ છે કે તે સફળ મિશન હશે. તેઓએ કહ્યું, અમે તૈયાર છીએ.

આજે ભારત કરશે ચંદ્રવિજય, છેલ્લી 15 મિનિટ સૌથી વધુ મહત્વની #Chandrayan3 #ISRO #VikramLander #Chandrayaan_3 #isroindia #Chandrayaan3Missio #MoonLanding #Chandrayaan3Landing #LunarMission #LanderModule #ChandrayaanLanding #VTVGujarati #VTVCard pic.twitter.com/4fjXmgKmK6

— VTV Gujarati News and Beyond (@VtvGujarati) August 23, 2023

એક ખાનગી મીડિયા સાથેની વાતચીતમાં ઈસરો ચીફે કહ્યું કે, આ એક સફળ મિશન હશે અને તે ઓવર કોન્ફિડન્સ નથી. ચંદ્રયાન-2ના હાર્ડ લેન્ડિંગ પછી મિશનની સફળતા સુનિશ્ચિત કરવા માટે અમારી (ઇસરો) ટીમોએ કરેલા કામથી આ આત્મવિશ્વાસ આવી રહ્યો છે.

.... and
The moon as captured by the
Lander Imager Camera 4
on August 20, 2023.#Chandrayaan_3 #Ch3 pic.twitter.com/yPejjLdOSS

— ISRO (@isro) August 22, 2023

વૈજ્ઞાનિકોએ બનાવ્યો છે બેકઅપ માટે બેકઅપ પ્લાન  
ઈસરોના વડાએ કહ્યું કે ચાર વર્ષ થોડો સમય નથી. અમે અમારા મિશનને સુધારવા અને બેકઅપ પ્લાન બનાવવા માટે તેનો દરેક ભાગ લગાવીએ છીએ. તેમણે કહ્યું કે અમે બેકઅપ પ્લાનનો બેકઅપ પણ તૈયાર કર્યો છે. અત્યાર સુધી આ મિશનમાં બધું અમારી યોજના મુજબ જ થયું છે. અમે અનેક સ્તરે સિસ્ટમની ચકાસણી કરીને લેન્ડિંગની તૈયારી કરી છે અને લેન્ડરની સ્થિતિ બિલકુલ ઠીક છે.

ચંદ્રયાન-2ની ભૂલોમાંથી લીધો બોધપાઠ
ચંદ્રયાન-2ની નિષ્ફળતામાંથી શીખેલા બોધપાઠ પર ઈસરોના વડા સોમનાથે કહ્યું કે, ચંદ્રયાન-2 છેલ્લા સ્ટેજ સુધી સારી રીતે ચાલ્યું, પરંતુ અમે સોફ્ટ લેન્ડિંગ કરી શક્યા નહીં. અમે ખૂબ ઝડપે ઉતર્યા. ચંદ્રયાન-2 દરમિયાન અમારી એક ભૂલ એ હતી કે, અમે લેન્ડિંગ સાઇટને 500 મીટર x 500 મીટરના મર્યાદિત વિસ્તારમાં રાખી હતી. 

અમને કેટલીક ખામીઓ મળી હતી..... 
આ સાથે તેમણે કહ્યું કે, અમને કેટલીક ખામીઓ મળી હતી જેનો વાહન સામનો કરી રહ્યું હતું અને જ્યારે તે થઈ રહ્યું હતું ત્યારે અમે તેને ઉકેલ્યા ન હતા. અહીંથી લેન્ડિંગ કરતી વખતે લેન્ડર મોડ્યુલ નિયંત્રણની બહાર થઈ ગયું હતું. આ વખતે અમે વધુ સારી રીતે તૈયાર છીએ. અમે અમારી ભૂતકાળની ભૂલોમાંથી શીખ્યા છીએ અને તે ભૂલોને સુધારી છે. ઈસરોના વડાએ કહ્યું, અમે તૈયાર છીએ.

જો કંઇક ખોટું થાય તો સંભાળવા ઇસરો તૈયાર
આ સાથે લેન્ડિંગ દરમિયાન ખલેલના સવાલ પર તેમણે કહ્યું કે, આપણે આવું ન વિચારવું જોઈએ. જો આ થવાનું છે, તો બધું ખોટું થઈ શકે છે અને જો વસ્તુઓ આપણી રીતે ચાલે છે, તો કંઈપણ ખોટું થશે નહીં. પ્રશ્ન એ હોવો જોઈએ કે જો કંઈક ખોટું થાય તો શું આપણે પરિસ્થિતિને સંભાળવા તૈયાર છીએ? અને જવાબ હા છે.