Chandra Grahan 2023 / આજે ભારતમાં દેખાશે વર્ષનું અંતિમ ચંદ્રગ્રહણ, આ 4 રાશિના જાતકો રહે સાવધાન, નહીંતર...

• આજે રાત્રે ચંદ્રગ્રહણ લાગી રહ્યું છે
• આ ખંડગ્રાસ ચંદ્રગ્રહણ ભારતમાં જોવા મળશે
• ચંદ્રગ્રહણ મેષ રાશિ અને અશ્વિન નક્ષત્રમાં લાગી રહ્યું છે

આજે શરદ પૂનમ છે અને આજે રાત્રે ચંદ્રગ્રહણ લાગી રહ્યું છે. આ ખંડગ્રાસ ચંદ્રગ્રહણ ભારતમાં જોવા મળશે. ચંદ્રગ્રહણ આજે રાત્રે 11:31 વાગ્યે શરૂ થશે અને રાત્રે 03:56 વાગ્યે પૂર્ણ થશે. ચંદ્રગ્રહણ રાત્રે 01:44 વાગ્યાથી રાત્રે 02:24 વાગ્યા સુધી પીક પર રહેશે, આ સમયે તેની સૌથી વધુ અસર જોવા મળશે.
 
મેષ રાશિમાં ગ્રહણ
ચંદ્રગ્રહણ મેષ રાશિ અને અશ્વિન નક્ષત્રમાં લાગી રહ્યું, જેથી મેષ રાશિમાં ગજકેસરી યોગ બનશે. આ ચંદ્રગ્રહણ ભારતમાં જોવા મળશે અને તમામ રાશિના જાતકો પર શુભ તથા અશુભ અસર થશે. 

મેષ- મેષ રાશિમાં નાણાંકીય નુકસાનનો યોગ બની રહ્યો છે. આવકના સાધન પર અસર થઈ શકે છે. વર્તનમાં ચિડીયાપણાંના કારણે કરિઅરમાં નુકસાન થઈ શકે છે. 

વૃષભ- પારિવારિક સંબંઘોમાં તણાવ રહેશે. દાંપત્ય જીવનમાં સમસ્યાઓ આવી શકે છે. મિત્રો અને સંબંધીઓ સાથે સંબંધ બગડી શકે છે. નાણાંકીય લેવડદેવડથી નુકસાન થઈ શકે છે. ઉધાર આપેલ નાણાં પરત મળવામાં મુશ્કેલીઓ આવી શકે છે. 

વૃશ્વિક- વિદ્યાર્થીઓની એકાગ્રતા ભંગ થઈ શકે છે. કરિઅરમાં સફળતા મેળવવા માટે સંઘર્ષ કરવો પડી શકે છે. 

મકર- આ રાશિના જાતકોએ ઈજા અને દુર્ઘટનાથી સાવધાન રહેવું. લાંબી યાત્રાઓ પર જવાનું ટાળવું. લાલચ અથવા પ્રલોભનથી દૂર રહેવું. 

ચંદ્રગ્રહણના થોડા કલાક પહેલા અને પછી સતર્ક રહેવું. ઝઘડા અને વાદ વિવાદમાં શામેલ થવું નહીં.