જનહિતમાં પત્ર / 'કોઈ રોકો ના', એક મહિના સુધી તમામ મેળાવડા રદ્દ કરો, લગ્ન કે જાહેર કાર્યક્રમોથી લોકો દૂર રહેઃ આહના

• 'આહનાની આ,,હ' ;વધતા કેસથી કરી અપીલ 
• એક મહિના સુધી મેળાવડા રદ કરવા અપીલ 
• જાહેર કાર્યક્રમ,રાજનીતિક મેળાવડાથી દૂર રહો 

રાજ્યમાં સતત કોરોનાનું સંક્રમણ વધી રહ્યું છે. ત્યારે કોરોના વધતા કેસોને લઇને અમદાવાદ હોસ્પિટલ એન્ડ નર્સિંગ હોમ એટલે કે આહનાએ લોકોને અપીલ કરી છે. આહનાએ લોકોને પત્ર લખીને સાવચેતી રાખવા વિનંતી કરી છે. આહનાએ કોરોનાને હળવાશથી ન લેવા અને આગામી 30 દિવસ સુધીના તમામ મેળાવડા રદ કરવા તેમજ રાજકીય મેળાવડાથી દૂર રહેવા લોકોને અપીલ કરી છે. આહનાના મતે લગ્ન અને અન્ય જાહેર કાર્યક્રમોથી પણ લોકો દૂર રહે તે જરૂરી છે.

કોરોના હજારને પાર 

ગુજરાતમાં કોરોનાએ ફરી રફતાર પકડી છે. આજે કેસ એક હજારને પાર પહોંચ્યા છે. ગુજરાતમાં છેલ્લા 24માં કોરોના વાયરસના નવા 1069 નવા કેસ નોંધાયા છે. જ્યારે 103 દર્દીઓ સાજા થયા છે, જોકે એક દર્દીનું મોત થયું. તો હાલ રાજ્યમાં 3927 એક્ટિવ કેસ છે. જેમાંથી વેન્ટીલેટર પર 11 દર્દીઓ છે અને 3916દર્દી સ્ટેબલ છે. રાજ્યનો રિકવરી રેટ 98.31 ટકા જેટલો છે. આજે 152072 લોકોનું વેક્સિનેશન થયું છે. ગુજરાતમાં અત્યાર સુધીમાં 818755 દર્દીઓ સાજા થયા અને 10119 દર્દીઓના મૃત્યુ થયા છે. રાજ્યમાં અત્યાર સુધીમાં 8,95,87,417 લોકોનું વેક્સિનેશન થઇ ચૂક્યું છે. અમદાવાદમાં 559 કેસ નોંધાયા છે.

ક્યાં કેટલા કોરોનાના કેસ ?

ગુજરાતમાં સૌથી વધુ અમદાવાદમાં 559 કેસ નોંધાયા છે. તો સુરતમાં 164, રાજકોટમાં 61, ગાંધીનગરમાં 26, જામનગરમાં 7, ભાવનગરમાં 4 અને જુનાગઢમાં 7 કેસ નોંધાયા છે. તો આણંદમાં 39, ખેડામાં 39, કચ્છમાં 22, વલસાડમાં 21, નવસારીમાં 9, મોરબીમાં 8, ભરૂચમાં 7, દાહોદમાં 6, સાબરકાંઠામાં 6, અમરેલીમાં 4, ગીર સોમનાથમાં 3, જૂનાગઢમાં 3, મહેસાણામાં 3, મહીસાગરમાં 2, તાપીમાં 2, અરવલ્લીમાં 1, બનાસકાંઠા 1 અને દેવભૂમિ દ્વારકામાં 1 કોરોનાનો કેસ નોંધાયો છે. 

આ જિલ્લામાં નથી નોંધાયો કેસ

 તો અમદાવાદ ગ્રામ્ય, ભાવનગર ગ્રામ્ય, બોટાદ, છોટા ઉદેપુર, ડાંગ, નર્મદા, પંચમહાલ, પાટણ, પોરબંદર અને સુરેન્દ્રનગરમાં એકપણ કોરોનાનો કેસ નોંધાયો નથી.