સરકારી ભરતી / BIG NEWS : તલાટી પરીક્ષાના કોલલેટર આવતીકાલથી થશે ડાઉનલોડ, નોટિફિકેશન જાહેર, આટલા ઉમેદવારો છે રેસમાં

• આવતીકાલથી તલાટીની પરીક્ષા માટે કોલ લેટર ડાઉનલોડ કરી શકાશે
• સંમતિ પત્ર આપ્યા છે તેવા ઉમેદવારો કોલ લેટર ડાઉનલોડ થસે
•  7 મે બપોરે 12.30 કલાકથી 1.30 કલાક સુધી પરીક્ષા

તલાટી કમ મંત્રીની પરીક્ષાની ઉમેદવારો આતુરતાથી રાહ જોઈ રહ્યા છે. ત્યારે હવે ગણતરીના દિવસોમાં એટલે કે આગામી તારીખ 7 ના રોજ તલાટી કમ મંત્રીની લેખિત પરીક્ષા યોજાશે. જેના ભાગરૂપે આ એક્ઝામના કોલલેટર આવતીકાલથી ડાઉનલોડ કરી શકાશે. તા.27 એપ્રિલને ગુરુવારે બપોરે 1 વાગ્યા બાદ સત્તાવાર વેબસાઈટ ojas.gujarat.gov.in પરથી ડાઉનલોડ કરી શકાશે.

આગામી તા. 7 મેના રોજ તલાટી કમ મંત્રીની પરીક્ષા યોજાશે.
તલાટી કમ મંત્રીના કોલ લેટર, હોલ ટિકિટ ડાઉનલોડ કરવાનો સમયગાળો આવતીકાલે 27 તારીખથી લઈ અને આગામી તા. 7 મે એટલે કે એક્ઝામના દિવસ સુધી ડાઉનલોડ કરી શકાશે. તેમ ગુજરાત પંચાયત સેવા પસંદગી મંડળ દ્વારા સત્તાવાર રીતે જાહેર થવા પામ્યું છે.નોંધનીય છે કે આગામી તા. 7 મેના રોજ તલાટી કમ મંત્રીની પરીક્ષા યોજાશે. જેમાં સંમતિપત્ર આપવાનું ફરજિયાત કરાવ્યું હતું ત્યારે આ સંમતિ 8.65 લાખ ઉમેદવારોએ ભર્યા છે તેઓના જ કોલ લેટર ડાઉનલોડ થઈ શકશે.

તલાટી પરીક્ષાના કોલલેટર કયારથી નીકળશે?#talatiexam #Calllater #vtvgujarati #VTVcard pic.twitter.com/eWKf5UQze7

— VTV Gujarati News and Beyond (@VtvGujarati) April 26, 2023

હસમુખ પટેલે અગાઉ જણાવ્યું હતું કે...

અગાઉ હસમુખ પટેલે નિવેદન આપી જણાવ્યું હતું કે ડમી ઉમેદવાર મામલે બોર્ડને માહિતી મળશે તો પગલા લેવામાં આવશે. કોઈ પણ વ્યક્તિ બોર્ડને ડમી ઉમેદવાર અંગે માહિતી આપી શકે છે. જે પણ લોકો ડમી ઉમેદવારની માહિતી આપે, તે લોકોએ પોતાની ઓળખ આપવી પડશે. વધુમાં તેમણે કહ્યું કે, અમે માહિતી આપનારા લોકોની ઓળખ ગુપ્ત રાખશું અને જો કોઈ ડમી ઉમેદવારે ભૂતકાળમાં પણ પરીક્ષા આપી હશે, તો પણ તેમના વિરુદ્ધ કાર્યવાહી કરવામાં આવશે. તેવી ખાતરી આપી હતી.

મહત્વનું છે કે 7 મેના રોજ તલાટીની પરીક્ષા યોજાવાની છે. ત્યારે સંસાધનોનો ખોટો ઉપયોગ ન થાય તે માટે સરકારે નવો નિર્ણય લીધો છે, પહેલા ઉમેદવારો પાસેથી કન્ફર્મેશન લેવામાં આવશે, જે કન્ફર્મેશન આપશે તેમની જ પરીક્ષા લેવામાં આવશે. પરીક્ષામાં અંદાજે 17,10,386 ઉમેદવારો નોંધાયા બાદમાં તલાટીની પરીક્ષા માટે સંમતિપત્ર ભરવાનો સમય ગત તા20 ના રોજ પૂર્ણ થયો હતો જેમાં કુલ 8,65,000 ઉમેદવારોએ જ સંમતિ પત્ર ભર્યા હતા.