તમારા કામનું / સલાડમાં વધારે પડતો ગાજરનો ઉપયોગ કરનારા સાવધાન, ગંભીર બીમારી ખતરો જાણી ઉડી જશે હોશ

• વધુ પડતા ગાજર ખાવાથી રોગનું ઘર બની શકે છે શરીર
• આવા લોકોએ ગાજર ખાતા પહેલા તબીબની સલાહ ચોક્કસથી લેવી જોઈએ
• સ્તનપાન કરાવતી મહિલાઓએ ગાજર ન ખાવા જોઈએ

શિયાળાની ઋતુમાં મોટાભાગના લોકો ગાજર ખૂબ ખાતા હોય છે. ગાજરના પરોઠા, ગાજરનો હલવો ગાજરનું અથાણું સહિત જુદી જુદી વાનગીઓ બનાવી લોકો ગાજર આરોગતા હોય છે. પરંતુ જૂની કહેવત મુજબ 'હદથી વધારે જે કાંઈ વસ્તુ છે તે ઝેર છે' તે જ રીતે ગાજરને પણ વધુ માત્રામાં ખાવામાં આવે તો તે શરીર માટે નુકસાનકારક સાબિત થઈ શકે છે. પરિણામે અનેક સમસ્યાઓ માથું ઊંચકી શકે છે. ગાજર સ્વસ્થ માટે ફાયદાકારક હોય છે. પરંતુ તે વધુ પડતા ખાવાથી ગેરફાયદા પણ થાય છે. ત્યારે આવો જાણીએ ગાજર ખાવાથી કઈ બીમારી થઈ શકે છે.

ગળામાં બળતરા ઉભી કરી શકે છે

બીપી અને સુગરની સમસ્યાથી પીડાતા લોકોએ ગાજર ખાવાનું ટાળવું જોઈએ. કારણ કે ગાજર ખાવાથી લોહીમાં સુગરનું લેવલ વધી જાય છે અને તે સરવાળે સમસ્યા ઊભી કરી શકે છે. આથી આવા લોકોએ ગાજર ખાતા પહેલા તબીબની સલાહ ચોક્કસથી લેવી જોઈએ. વધુમાં જે લોકો ઊંઘની સમસ્યાથી પીડાય છે એટલે કે અનિદ્રાની સમસ્યા છે. તેવા લોકોએ પણ ગાજર ખાવું ટાળવું જોઈએ બીજી બાજુ ગાજરમાં રહેલો પીળો ભાગ જે ગરમ હોવાથી પેટમાં ગરમી અને ગળામાં બળતરા ઉભી કરી શકે છે તેમજ ગાજર ખાવાથી દાંતમાં પણ દુખાવો થઈ શકે છે અને તેમાં રહેલો પીળો ભાગ દાંતને ઘણી હદ સુધી નબળા પણ કરી શકે છે.

સ્તનપાન કરાવતી મહિલાઓએ ગાજર ન ખાવા જોઈએ

વધુમાં ગાજરમાં મોટા પાયે ફાઇબરની માત્રા હોવાથી તમે રોજ ગાજર ખાવ તો શરીરમાં ફાઇબરનું સ્તર ઘણી હદ સુધી વધી શકે છે. જેને પગલે પેટમાં દુખાવા સહિતની પેટને લગતી બીમારીઓ વધી શકે છે. એટલું જ નહીં ફાઇબરની સાથે ગાજરમાં કેરોટીન પણ ભરપૂર માત્રામાં હોય છે. જે ત્વચાના રંગમાં બદલાવ કરી શકે છે. કેરોટીનનું પ્રમાણ વધતાની સાથે જ ત્વચા પીળાશ પડતી બને છે. ખાસ વાત એ છે કે સ્તનપાન કરાવતી મહિલાઓએ ગાજર ન ખાવા જોઈએ.