- ચાંદની ધરતી પર ભારતે રચ્યો ઈતિહાસ
- બોલિવૂડના કેટલાક સિતારાઓ ખુશી વ્યક્ત કરી
- હિન્દુસ્તાન ઝિંદાબાદ હતો, છે અને રહેશે: સની દેઓલ
ચંદ્ર પર ભારતનો તિરંગો લહેરાઈ ચુક્યો છે. જે ખુશીના સમયની સૌ કોઈ ભારતવાસીઓ રાહ જોઈ રહ્યાં હતા તે સમય આવી ગયો છે. જેને લઈ સૌ દેશવાસી ખુશીથી ઉજવણી કરી રહ્યાં છે. બોલિવૂડના કેટલાક સિતારાઓ પણ આ પ્રસંગે ખુશી વ્યક્ત કરી રહ્યાં છે. સની દેઓલ, અજય દેવગન, અક્ષય કુમાર સહિત ઘણા બધા ફિલ્મ સ્ટારોએ સોશિયલ મીડિયાના મારફતે અભિનંદન પાઠવ્યા છે.
અક્ષય કુમારે ટ્વીટ કરી અભિનંદન પાઠવ્યા
ચંદ્રયાન 3ની સફળતા પૂર્વક લેન્ડિગ પછી અક્ષય કુમારે એક ટ્વીટ કરી લખ્યું છે કે, કરોડો દિલ ઈસરોને અભિનંદન પાઠવી રહ્યાં છે. તમારાથી અમને ગર્વ અનુભવીએ છીએ. ભારત ચંદ્ર પર છે. આપણે ચંદ્ર ઉપર છીએ. અક્ષય કુમાર સિવાય સની દેઓલને પણ ગદ્દર વાળી સ્ટાઈલમાં શુભકામનાઓ પાઠવી છે.
'હિન્દુસ્તાન ઝિંદાબાદ હતો, છે અને રહેશે'
સની દેઓલએ ટ્વીટ કરીને લખ્યું કે, આ ગર્વની ક્ષણ છે. હિન્દુસ્તાન ઝિંદાબાદ હતો, છે અને રહેશે. ચંદ્ર પર ચંદ્રયાન 3ના સોફ્ટ લેન્ડિંગ બદલ ISROને અભિનંદન. અજય દેવગનની પ્રતિક્રિયા પણ સામે આવી છે. અજયે ઈન્સ્ટાગ્રામમાં પોસ્ટ કરીને લખ્યું છે કે, આ ક્ષણ જીવવા સન્માનની છે. તે ગર્વ અનુભવી રહ્યો તેમજ ઉત્સાહ છે. ભારત માતા કી જય
'ચાંદ તારે તોડ લાઉં'
શાહરૂખ ખાને ટ્વિટ કરીને લખ્યું ચાંદ તારે તોડ લાઉં… સમગ્ર દુનિયા મેળવી શકું. અમને ગૌરવ અપાવનાર તમામ વૈજ્ઞાનિકો અને એન્જિનિયરોને અભિનંદન.
આર માધવને ટ્વીટ કર્યું
આર માધવને સોશિયલ મીડિયા પર એક વીડિયો શેર કરીને ખુશી વ્યક્ત કરી છે અને શુભેચ્છા પાઠવી છે. માધવને સ્ક્રીન પર ઈસરોના વૈજ્ઞાનિકની ભૂમિકા પણ ભજવી છે. વર્ષ 2022માં તેમની ફિલ્મ રોકેટ્રીઃ ધ નામ્બી ઈફેક્ટ આવી હતી જેમાં તેઓ વૈજ્ઞાનિક નામ્બી નારાયણના રોલમાં હતા.
ફિલ્મ સ્ટાર્સે ટ્વીટ કરી અભિનંદન પાઠવ્યા
સની દેઓલ, અક્ષય કુમાર, અજય દેવગન સહિત અન્ય ઘણા ફિલ્મ સ્ટાર્સે સોશિયલ મીડિયા દ્વારા અભિનંદન પાઠવ્યા છે. તેમાં શ્રદ્ધા કપૂર, સારા અલી ખાન, મીરા રાજપૂત, મલાઈકા અરોરા, રવિના ટંડન, સ્નેહા ઉલ્લાલ, અર્જુન બિજલાની, અનુપમ ખેર જેવા મોટા સ્ટાર્સ સામેલ છે. આ સ્ટાર્સની પોસ્ટ પર ફેન્સ પણ કોમેન્ટ કરીને અભિનંદન આપી રહ્યા છે.
