રણનીતિ / કોંગ્રેસની પાક્કી વૉટબેંકને તોડવા ભાજપનો તગડો પ્લાન, આંકડા પરથી જાણો કેમ ગામડા ખૂંદી રહી છે ભાજપ?

• લોકસભા ચૂંટણી લઈ ભાજપનું ગાવ ચલો અભિયાન
• ગ્રામીણ મતદારોને આકર્ષવા ભાજપનો પ્લાન
• 18 હજાર ગામડાઓમાં ભાજપ કરશે પ્રવાસ

લોકસભાની ચૂંટણીને લઈ ભાજપે હવે ગામડા માં તરફ મીટ માંડી છે. શહેરોના મતદારોનો ઝુકાવ તો ભાજપ તરફ રહ્યો છે, ત્યારે હવે ભાજપ શહેરી મતદારો સાથે સાથે ગ્રામ્ય મતદારોને રિઝવવા માટે લોકસભાની ચૂંટણી પૂર્વે ગામડાનો પ્લાન બનાવ્યો છે. 

ગાવ ચલો અભિયાન
આ પ્લાન એટલે ભાજપનું ગાવ ચલો નામનું અભિયાન. આ અભિયાન અતર્ગત  ભાજપ ગુજરાતના 18  હજાર ગામોમાં પ્રવાસે કરશે. જેમાં ભાજપ ગ્રામીણ મતદારો સાથે 24  કલાકથી વધુ સમય વિતાવીને  ગ્રામીણ મતદારોને મળશે. તેમજ ગામના પ્રગતિશીલ ખેડૂતો,ગામના અગ્રણી સાથે તેમજ સરકારી યોજના લાભાર્થીઓ સાથે વાર્તાલાપ કરશે.

વાંચવા જેવું: 'ઘણાને ભાજપમાં આવવું છે પણ..' ઉનાના ધારાસભ્ય કે.સી રાઠોડે કોંગ્રેસ પર કસ્યો તંજ, વીડિયો વાયરલ

 51 હજાર બૂથનો ચિતાર મેળવાશે
ગ્રામીણ મતદારો રીઝવવાનો ભાજપએ એક નવતર પ્રયાસ હાથ ધર્યો છે.  18 હજાર ગામનો પ્રવાસ કરાશે તેમજ 51 હજાર બૂથનો ચિતાર મેળવાશે. માઈનસ બૂથોમાં વધુ મહેનત કરાશે.  અત્રે જણાવીએ કે, 2019 લોકસભા 62 ટકા ગ્રામીણ, 38 ટકા શહેરી મત ભાજપને મળ્યા હતા.  2020 વિધાનસભામાં 59 ટકા ગ્રામીણ 41 ટકા શહેરી મત ભાજપને મળ્યા છે. વિધાનસભા 2019 કરતા 2022ની ચૂંટણીમાં 3 ટકા ગ્રામીણના મત ઘટ્યા છે