સાબરકાંઠા / ભાજપના ઉમેદવાર ભીખાજી ઠાકોરનો યુ ટર્ન, ચૂંટણી નહીં લડવાનો નિર્ણય રાખ્યો મોકૂફ, કારણ પણ જણાવ્યું

સાબરકાંઠા લોકસભા બેઠક પર ભીખાજી ઠાકોરનો ચૂંટણી લડવા ઈનકાર મુદ્દે નિવેદન સામે આવ્યો છે. તેમણે કહ્યું કે, સાબરકાંઠા બેઠક પર ભાજપે મને ઉમેદવાર જાહેર કર્યો છે પરંતુ કેટલાક કારણોસર મેં પાર્ટીને એવું કહ્યું છે કે, હાલ પૂરતો આ નિર્ણય મોકૂફ રાખ્યો છે. પ્રદેશ નેતૃત્વના સંપર્કમાં છું અને તેમની સાથે મળી જે પણ નિર્ણય થશે તેની સાથે હું રહીશ. 

'પ્રદેશ અગ્રણીઓ સાથે ચર્ચા કરીને નિર્ણય કરીશ'
ભાજપના ઉમેદવાર ભીખાજી ઠાકોરે મેઘરજ માર્કેટયાર્ડમાં સમર્થકો સાથે બેઠક યોજી હતી. તેમણે કહ્યું કે, હાલ પૂરતો ઉમેદવારીનો નિર્ણય રદ રાખ્યો છે. પ્રદેશ ભાજપ અગ્રણીઓ સાથે સંપર્કમાં છું. પ્રદેશ અગ્રણીઓ સાથે ચર્ચા કરીને નિર્ણય કરીશ

વાંચવા જેવું: ગુજરાતમાં હિટવેવની આગાહીને જોતાં શિક્ષણ વિભાગે શાળાઓને કર્યા આદેશ, આ સુવિધાઓ આપવા સૂચના

ચૂંટણી લડવાનો ઈનકાર કર્યો હતો
સાબરકાંઠા લોકસભા બેઠક પર ભીખાજી ઠાકોરે ચૂંટણી લડવાનો ઈનકાર કર્યો હતો.  ભીખાજી ઠાકોરને ભાજપે સાબરકાંઠા લોકસભા બેઠક પર ઉમેદવાર જાહેર કર્યા છે. ભીખાજી ઠાકોરે ઉમેદવારી પરત ખેંચવાની જાહેરાત કરતા અનેક તર્ક વિતર્ક શરૂ થયા હતા.  સાથો સાથ સ્થાનિક કક્ષાએ સંભવિત ઉમેદવારોને ટિકિટ માટે ફરીથી લોબિંગ શરૂ થઈ હતી. તો બીજી તરફ સાબરકાંઠા બેઠક અનેક નવા નામોની પણ ચર્ચા શરૂ થઈ હતી. જેમાં કૌશલ્યા કુંવરબા, અશ્વિન પટેલ, મહેન્દ્રસિંહ બારૈયાનું નામ વધુ ચર્ચામાં રહ્યું છે

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો