માફિયા બેફામ / અતિકની ચિંતા કરતાં બિહારના નેતાઓ હવે શું કહેશે? મહિલા અધિકારીને ભીડે વાળ પકડીને ઢસડી, લાઠી-ડંડાથી ફરી વળ્યા, ટીમ ભાગી

• પટનાના બિહટામાંથી સામે આવી ચોંકાવનારી ઘટના 
• ગુંડાઓએ માઈનિંગ ટીમ પર કર્યો હુમલો 
• આરોપીઓએ મહિલા અધિકારીની કરી ધોલાઈ 

બિહારની રાધાની પટનાના બિહટામાં ગેરકાયદેસર ખનન વિરૂદ્ધ છાપેમારી કરવા પહોંચેલી ટીમ પર અમુક લોકોએ હુમલો કરી દીધો છે. ઘટનામાં જિલ્લા ખનન પદાધિકારી અને 2 અન્ય ઘાયલ થયા છે. રિપોર્ટ અનુસાર મહિલા અધિકારીને આરોપીઓએ ઘસેડી. તે સમયે સાથી અધિકારીઓ તેને બચાવતા જોવા મળી રહ્યા છે. 

અધિકારીઓ પર લાકડી-પથ્થરથી કર્યો હુમલો 
ઘટનાનો એક વીડિયો સામે આવ્યો છે જેમાં ઉપદ્રવી અધિકારીઓને લાકડીથી માર મારી રહ્યા છે. તે ઉપરાંત ઘણા લોકો પત્થર ઉઠાવીને તેના પર ફેંકી રહ્યા છે. અધિકારીઓની ટીમ જીવ બચાવીને ભાગવાનો પ્રયત્ન કરતા જોવા મળી રહ્યા છે. 

#WATCH | Bihar: Woman officer from mining department dragged, attacked by people allegedly involved in illegal sand mining in Bihta town in Patna district.

(Note: Abusive language; viral video confirmed by police)

44 people arrested, 3 FIRs filed while raids underway to arrest… pic.twitter.com/EtKW1oedG3

— ANI (@ANI) April 17, 2023

પરંતુ લોકોની આખી ટીમને ચારે બાજુથી ઘેરી લીધેલી છે. આ સમયે અધિકારી ટીમમાં શામેલ મહિલા અધિકારીઓનો બચાવ પણ કરી રહ્યા છે. પરંતુ હુમલાખોર રોકાઈ નથી રહ્યા. અધિકારીઓ પર તે સતત હુમલો કરી રહ્યા છે. 

માઈનિંગ ટીમ દ્વારા છાપેમારી અભિયાન 
જાણકારી અનુસાર અધિકારીઓની દેખરેખમાં એમવીઆઈ, એસઆઈ સહિત પરિવહન અને માઈનિંગની ટીમ દ્વારા છાપેમારી અભિયાન ચલાવવામાં આવી રહ્યું હતું. દિવસના લગભગ પોણા ત્રણ વાગ્યાથી કોઈલવર પુલની નીચે બંધ પેટ્રોલ પમ્પ પર અસામાજીક તત્વો દ્વારા છાપેમારી ટીમ પર પથ્થરબાજી કરવામાં આવી. 

44 લોકો વિરૂદ્ધ FIR નોંધાશે  
ઘટનાની જાણ થતા જ પટનાના જિલ્લા અધિકારી દ્વારા અનુમંડળ પદાધિકારી અને અનુમંડળ પોલીસ પદાધિકારી દાનાપુરને ઘટનાસ્થળ પર મોકલવામાં આવ્યા હતા. પથ્થરબાજી કરનાર વિરૂદ્ધ સઘન છાપેમારી કરવામાં આવી રહી છે. 

પોલીસની તરફથી 44 લોકો વિરૂદ્ધ પ્રાથમિકી દાખલ કરવામાં આવી છે. લગભગ 50 વાહનોને પણ પકડવામાં આવ્યા છે. વાહન માલિકો અને ચાલકો વિરૂદ્ધ એફઆઈઆર નોંધવાની કાર્યવાહી કરવામાં આવી રહી છે. 

ઘટનાસ્થળથી મળી આવી કાળી સ્કોર્પિઓ 
સિટી એસપી પશ્ચિમ પટનાના મીડિયા સાથે વાત કરતા કહ્યું કે ઘટનાસ્થળ પરથી એક કાળી સ્કોર્પિયો પણ પકડવામાં આવી છે જેમાં વાયરલેસ સેટ લાગેલું છે. રિપોર્ટ અનુસાર પોલીસ અધીક્ષક પશ્ચિમી, ઉપ-વિભાગીય અધિકારી અને ઉપ-વિભાગીય પોલીસ પદાધિકારી, દાનાપુર બિહટામાં જ આરોપીઓ વિરૂદ્ધ ચલાવવામાં આવી રહેલી છાપેમારી અભિયાન પર નજર રાખી રહ્યા છે.