- મોરબીમાં પગારકાંડના મુખ્ય આરોપીના જામીન મંજૂર
- વિભૂતિ પટેલ ઉર્ફે રાણીબા સહિત 2 આરોપીના જામીન મંજૂર
- મોરબી કોર્ટે બે આરોપીઓના જામીન કર્યા મંજૂર
મોરબીમાં યુવકને માર મારવા મામલે છેલ્લા એક મહિનાથી જેલમાં બંધ વિભૂતિ પટેલ ઉર્ફે રાણીબાએ જેલમાંથી મુક્ત થવા માટે મોરબી કોર્ટમાં વિભૂતિ પટેલ તેમજ અન્ય એક આરોપીએ જામીન અરજી કરતા કોર્ટે બે આરોપીઓનાં જામીન મંજૂર કર્યા હતા. પગાર માગવા આવેલા યુવાનને 6 લોકોએ માર માર્યો હતો. આ સમગ્ર મામલે 6 લોકો સામે પોલીસમાં ફરિયાદ થઈ હતી.
કોણ છે રાણીબા
રાણીબા ઈન્ડસ્ટ્રીઝના માલિક અને યુવા ઉદ્યોગસાહસિક વિભૂતિ પટેલ પર દલિત યુવકને માર મારવાનો આરોપ છે. વિભૂતિ પટેલ અને અન્ય ચાર લોકો પર આરોપ છે કે તેમણે પગારની માંગણી કરતા દલિત યુવાનને બેલ્ટથી માર માર્યો હતો. એટલું જ નહીં દલિત યુવકને ચપ્પલ અને જૂતા પહેરવા માટે દબાણ કર્યું હતું.
વિભૂતિ પટેલ ટાઇલ્સના વ્યવસાયમાં સક્રિય છે. તે સોશિયલ મીડિયા પર પોતાને મોરબીની લેડી ડોન તરીકે રજૂ કરી રહી છે. આ વિવાદ બાદ તેનો તલવાર વડે એક સાથે અનેક કેક કાપતો વીડિયો પણ સામે આવ્યો હતો.
વધુ વાંચોઃ સારવારની આડઅસર: મોતિયાના ઓપરેશન બાદ માંડલની રામાનંદ ટ્રસ્ટ હોસ્પિટલમાં 17 દર્દીઓને અંધાપો
22 નવેમ્બરે શું બન્યું હતું
22 નવેમ્બરના રોજ દલિત યુવકને માર મારવાના કેસમાં મોરબી શહેર પોલીસે SC/ST એક્ટની ગંભીર કલમો હેઠળ ગુનો નોંધ્યો હતો અને ફરિયાદી પીડિત યુવક નિલેશ દલસાણિયાને સારવાર માટે હોસ્પિટલમાં દાખલ કરવામાં આવ્યો હતો. આ પછી વિભૂતિ પટેલ અને તેના સાગરિતો ફરાર થઈ ગયા હતા, પરંતુ કોર્ટમાંથી રાહત ન મળતાં તેમણે સરેન્ડર કરવું પડ્યું હતું.
